Nyekyire 13:16 - AHYERƐLƐ KRONGRON

¹⁶ Na ɔhyɛ mmenia mukoraati: kwahweabaa mɔ ne atitire, esikafoɛ ne ehiafoɛ, nnehyeɛ ne nganga maa bɛhyɛ bɛ nzorɛ wɔ bɛ sa famaa nwo, anaa bɛ nwoma so;

Nyekyire 13:16 Iomraidhean Croise

2 Aberɛso Dwirɛ 15:13

Na bele bɛtole nu kyɛ, ebiala bɔ ɔngɔpena AWURADE Yisrael Nyameɛ ne, ye si atee ne, kyɛ akwadaa oo, panyi oo, kyɛ bienzua oo, brasua oo, odi kyɛ beku ye ɔ.

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

Edwein 115:13

okoyira bɛ bɔ besuro AWURADE ɔ, kwahweabaa mɔ ne atitire mɔ.

Edwein 49:2

kwahweabaa mɔ ne atitire, sikafoɛ ne ehiafoɛ amukoraa.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Sakaria 13:6

Na sɛ ebie bisa ye kyɛ, ‘Ngena ngena bɔ ɔwɔ wɔ sa nu ye koso ɛ?’ a, okobua kyɛ, ‘Epuralɛ bɔ bepurale me wɔ me damvo mɔ awuro ne, ye ɛne.’ ”

Asomafoɛ 26:22

Nakoso Nyameɛ abɔ me nwo waen alaa maa waadwu ɛnɛ kyẽa ye; yiti yeɛ ɔmaa ngyi wa medi adanzeɛ mekyire mmenia mukoraa ɔ: atitire ne kwahweabaa mɔ. Na edwirɛ bɔ ngɔmhyɛlɛfoɛ ne Mose hã tole berɛ kyɛ okosi ne ala yeɛ mekã ɔ:

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Galatiafoɛ 6:17

Ofi ɛnɛ bɔ ɔkɔ ɔ, nnɛma ebiala ha me; ofikyɛ manya Yesu etwa wɔ me nipadua nwo.

Ɛfesofoɛ 6:8

Na ɛmɔse kyɛ nikye paa biala bɔ sona yɔ ne, sɛ ɔte akoaa oo, dehyeɛ oo, okonya ye nwo akatuaa kofi Awurade berɛ.

Deuteronomi 11:18

“Yiti ɛ́mɔfa me dwirɛ hemɔ besie ɛmɔ ahone ne ɛmɔ ti anu, ná ɛ́mɔkyekye bɛ́bɔ ɛmɔ sa ma ɔyɛ sɛngyerɛnneɛ, ná ɛ́mɔfa bɛ́bɔ ɛmɔ nwoma so ma ɔyɛ ngayeɛ.

Deuteronomi 6:8

Kyekye fa bɔ wɔ sa ma ɔyɛ sɛngyerɛnneɛ, ná fa bɔ wɔ nwoma so ma ɔyɛ ngayeɛ,

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

2 Timoteo 3:8

Na kyɛbɔ Yane ne Yambrɛ bedwɔso betiale Mose nen, sɔ ala yeɛ sɔ mmenia nemɔ koso bɛko betia nahorɛ ne ɔ. Bɛte mmenia bɔ b’adwene ali naakye, ná babɔ ase wɔ gyidie nu ɔ.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 19:18

ná ɛmɔɔli ahemvo mɔ naen, safohene mɔ naen, katakyie mɔ naen, mbɔngɔ ne mbɔngɔhanɛfoɛ mɔ naen, mmenia mukoraa, nnehyeɛ ne nganga, kwahweabaa mɔ ne atitire mɔ bɛ naen.”

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 19:5

Na komviɛ bie fili ahennie bia ne anu teane nu kyɛ, “Ɛ́mɔye yɛ Nyameɛ ayɛ, ɛmɔ bɔ ɛmɔte ye ngoaa ne ɛmɔ bɔ ɛmɔsuro ye amukoraa, kwahweabaa mɔ ne atitire!”

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 6:15

Na aseɛ so ahemvo, atitirefoɛ, esikafoɛ, safohene mɔ, anwoserɛfoɛ, yeɛ ngoaa ne nnehyeɛ amukoraa bɛfeafeale ngumaa mɔ nu ne mmokaa so nyɔbotaen mɔ nu.

Nyekyire 7:3

kyɛ, “Nnɛma ɛmɔha aseɛ anaa ɛpo anaa mmakaa, kɔpem kyɛ yɛkɔfa nzɔanoɛ yɛkɔteta yɛ Nyameɛ ngoaa mɔ bɛ nwoma so ɔ.”