Nyekyire 13:14 - AHYERƐLƐ KRONGRON

¹⁴ Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:14 Iomraidhean Croise

2 Ahemvo 20:7

Yeɛ Yesaya sele kyɛ, “Ɛ́mɔbrɛ me borɔdoma bɔ babɔ ye kunguma ɔ. Ɛ́mɔfa bɛyɛ mbɔmbɔ ne aso, na ɔkɔte apɔ.”

2 Ahemvo 22:20

Yiti tie, ngɔmaa ɛkɔɔtoa wɔ mbanyi mɔ, na ngɔmaa ekowu asomdwee nu kɔɔla wɔ kumaa nu. Na musue amukoraa bɔ ngɔprapra ngogua maen he aso ne, wɔ de engonwu bie.” Besa bɛfale edwirɛ ne bɛɛbɔle Nana Yosia amaneɛ.

2 Aberɛso Dwirɛ 18:21

Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔhyɛ ngɔndorɔ.’ Yeɛ AWURADE sele kyɛ, ‘Kɔ ná kɔlakalaka ye, na wɔ sa kɔhã ye; kɔ ná kɔyɔ ye sɔ ala.’

YOB NWOMAA NE 12:16

Ye berɛ yeɛ anwoserɛ ne nworɛ wɔ ɔ, sona bɔ bɛlakalaka ye ne, ɔne nnakannakaniɛ ne, bɛ munyɔ bewura ye bo.

Ɛksadɔso 7:11

Faro koso frɛfrɛle mmenia bɔ bɛse ase, ɔne musueyelɛfoɛ maa bɛwale, na sɔ Misraim ngonyaayelɛfoɛ nemɔ koso yele ngonyaa yɔle sɔ ala.

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Hesekiel 14:9

Na sɛ ngɔmhyɛlɛniɛ ne ma ye nwo ate maa bɛlakalaka ye, ná ɔkã dwirɛ a, ye de me AWURADE yeɛ malakalaka sɔ ngɔmhyɛlɛniɛ ne ɔ. Ngɔtengyɛ me sa ngɔhwe ye so, ná mahũ ye mafi me maen Yisrael nu.

Hesekiel 16:17

Me sikaa kɔkorɛ mbembenanneɛ ne me dwetɛ mbembenanneɛ bɔ mva mane wɔ ne koso, ɛfa yɔle wɔ mmosoen mmienzua, na ɛfale wɔ nwo mane bɛ bɔle gyandera.

Hesekiel 8:10

Yiti nworole nu ngɔneane. Na né bakurukyire ngaka mukoraa bɔ bɛtwe bɛ nwo ase ɔ, yeɛ ngaka mukoraa bɔ bekyi ɔ, ɔne Yisrael mmosoen amukoraa bagua fasue ne anwo babra bayia.

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:1

Na nwuni kaka bie bɔ ole tire nzoo, ɔne mmɛen buru kyɛ ofi ɛpo nu ofite ɔ. Né ahennie abotire buru bobɔ ye mmɛen nemɔ, na musue abodin mɔ wɔ ye ti nemɔ anwo.

Nyekyire 13:15

Na bɛmane ye tumi kyɛ ɔma kaka ne honi ne sunzum, ná kaka ne honi ne po odwudwo, ná ɔma behũ mmenia wora bɔ bɛngoto kaka ne honi ne.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 14:11

Na nwosina bɔ ofi bɛ teeteelɛ nu ne, ɔkɔ anwuro afebɔɔ. Na bɛ bɔ bɛkoto kaka ne ne ye honi ne, yeɛ ebiala bɔ ode ye nzorɛhyɛlɛ dumaa nen, bengonya bɛ nwome biala bengole wɔ alehyeleɛ nu ne alesaleɛ nu.

Nyekyire 14:9

Na abɔfo bɔ ɔtɔ so nza lili bɛ si, na ɔteane nu sele kyɛ, “Sɛ ebie koto kaka ne ne ye honi ne, ná ode ye nzorɛhyɛlɛ ne wɔ ye nwoma so, anaa ye sa nwo a,

Nyekyire 15:2

Na nwuni nikyee bie bɔ ɔte kyɛ neanu po bɔ ɔne see bali afra ɔ. Na bɛ bɔ bali kaka ne ne ye honi ne, yeɛ ye nzorɛhyɛlɛ ne ye dumaa nwo ngondaa so ngonim ne, né begyigyi neanu po ne aso bɔ betiratira Nyameɛ sangoo ɔ.

Nyekyire 16:13

Na nwuni sunzum nza bie bɔ bɛ nwo nde, bɔ bɛte kyɛ ɛporohyɛen ɔ, kyɛ befi sasrabɔnzam ne noa nu, kaka ne noa nu, yeɛ ngɔmhyɛlɛniɛ ngondomboniɛ ne noa nu befite.

Nyekyire 16:2

Yiti abɔfo bɔ oli moa ne hɔle oohwiele bɔ ɔwɔ ye kulie ne anu guale aseɛ so, na kena bɔ ɔbo mvamva ná otutu ɔ tutuli mmenia bɔ bele kaka ne nzorɛhyɛlɛ ne, ɔne bɛ bɔ bɛkotole ye honi ne.

Nyekyire 18:23

kanea ye hyireinn ngɔta wɔ wɔ nu ko, na bɛngɔte atɔmvorɛ biaa ne atɔmvorɛ braa komvi wɔ wɔ nu ko; ofikyɛ wɔ dwadifoɛ yeɛ né bɛte atitire wɔ aseɛ so ɔ, na ɛfale wɔ ngonyaayelɛ lakalakale maen maen amukoraa.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.