Nyekyire 12:8 - AHYERƐLƐ KRONGRON

⁸ nakoso bangora koɛ ne noa gyina, na bannya atenaleɛ wɔ nyameɛso ko.

Nyekyire 12:8 Iomraidhean Croise

YOB NWOMAA NE 20:9

Anyeɛ bɔ onwuni sɔ sona nen, ongonwu ye ko, na okotu komini bɔ bengonwu ye wɔ ye awuro ɔ.

YOB NWOMAA NE 7:10

Onza mma ye awuro berɛ ko, na nekaa bɔ ɔte ne, berɛ ama ngonwu ye ko.

YOB NWOMAA NE 8:18

Sɛ betu ye befi ye boso a, ye boso berɛ nekaa bɔ ogyi ne ɔpo ye, na ose ye kyɛ, ‘Wɔ de, nnwuni wɔ le.’

Edwein 129:2

Ofi me ngwadaa nu, mmerɛ pee yeɛ bafa koɛ baateta me ɔ, nakoso bangora banni me so ngonim.

Edwein 13:4

nna me pɔfoɛ wanga kyɛ, “Mali ye so ngonim”, nna mamvi ase amma me pɔfoɛ mɔ banni ahurusi.

Edwein 37:10

Ɔngɔhyɛ biala, bɔnefoɛ bɛ boso konua; ɛmɔkɔyere bɛ nwo bɛkɔpena bɛ boso, nakoso ɛmɔngonwu bɛ.

Yeremia 1:19

Bɛkɔho bekotia wɔ, nakoso bɛngɔhora bengoli wɔ so ngonim, ofikyɛ ngyi wɔ si, na ngɔpepɛ ngole wɔ, AWURADE noa dwirɛ ɛne.

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Asomafoɛ 1:25

kyɛ ɔyɛ asomafoɛ adwuma ne osi Yudase, bɔ ofili yɛ nu tele ye nwo hɔle nekaa bɔ ɔsɛ kyɛ ɔkɔ ɔ ne gya nu.”

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 12:7

Na afei koɛ sili nyameɛso. Mikayɛl ne ye abɔfo mɔ bɛfale koɛ bɛtetale sasrabɔnzam ne; na sasrabɔnzam ne ne ye abɔfo mɔ bɛhone;

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.