Nyekyire 12:4 - AHYERƐLƐ KRONGRON

⁴ Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 12:4 Iomraidhean Croise

Ɛksadɔso 1:16

“Sɛ ɛmɔde Hebri mmrasua aworɛ, ná awoleɛ nu berɛ, ɛmɔnwu kyɛ adɔma ne te bienzua a, odi kyɛ ɛmɔku ye. Sɛ ɔte brasua de a, nnɛma ɛmɔku ye.”

Yesaya 27:1

Sɔ kyẽa ne, AWURADE kɔfa ye ngrandɛ serɛserɛ pirikua suronyisuronyi ne kɔhwe ɛlɛngyɛen suronyisuronyi, bɔ ɔte ewoo bɔ ye nwo yɛ nyera ne ye so. Ɔte ɛlɛngyɛen suronyisuronyi bɔ ɔbenzebenze ye nu ɔ, na AWURADE kosa kohũ sasrabɔnzam bɔ ɔwɔ ɛpo nu ne.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 12:7

Na afei koɛ sili nyameɛso. Mikayɛl ne ye abɔfo mɔ bɛfale koɛ bɛtetale sasrabɔnzam ne; na sasrabɔnzam ne ne ye abɔfo mɔ bɛhone;

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:2

Na kaka bɔ nwuni ye ne ɔte kyɛ aboa, ye gya te kyɛ kwabrafo gya, na ye noa te kyɛ gyata noa. Na sasrabɔnzam ne fale ye tumi ne ye ahennie bia ne anwoserɛ piri ne mane ye.

Nyekyire 13:4

Na bɛkotole sasrabɔnzam bɔ ɔmane kaka ne tumi ne; na bɛkotole kaka ne bɛhane kyɛ, “Nwa yeɛ ɔte kyɛ kaka ne ɔ? Nwa yeɛ ɔkɔhora ne ye bɛkɔho ɔ?”

Nyekyire 16:13

Na nwuni sunzum nza bie bɔ bɛ nwo nde, bɔ bɛte kyɛ ɛporohyɛen ɔ, kyɛ befi sasrabɔnzam ne noa nu, kaka ne noa nu, yeɛ ngɔmhyɛlɛniɛ ngondomboniɛ ne noa nu befite.

Nyekyire 17:18

Na braa bɔ enwuni ye ne, ye ole kuro piri bɔ odi aseɛ so ahemvo mɔ so hene ne.”

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,

Nyekyire 8:10

Na abɔfo bɔ ɔtɔ so nza ne huli ye totorobɛndo ne, na nzramaa pirikua bie bɔ ogye kyɛ tɛen ɔ otu fili nyameɛso, na oofini asue mɔ ngyɛmuɛ nza nu ko nu, ɔne mbombonzue mɔ nu.

Nyekyire 8:11

Nzramaa ne dumaa li Weewee. Na nzue mɔ ngyɛmuɛ nza nu ko yɛle weewee, na nzue ne mane mmenia pee wuwuli, ofikyɛ ɔte weewee.

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 8:7

Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.

Nyekyire 8:8

Na abɔfo bɔ ɔtɔ so nyɔ ne huli ye totorobɛndo ne. Na begyili nikyee bie bɔ ɔte kyɛ bokaa piri bɔ see asɔ nu ogye buruburu ɔ bɛtole ɛpo nu, na ɛpo ngyɛmuɛ nza nu ko kakyili mogya;

Nyekyire 8:9

na ɛpo nu abɔdeɛ bɔ bele ngoa ɔ, ngyɛmuɛ nza nu ko wuwuli, yeɛ ɛlɛen mɔ ngyɛmuɛ nza nu ko sɛkyesɛkyele.

Nyekyire 9:10

Bele dua te kyɛ anyanyangyeleɛ, bɛka, na bɛ tumi bɔ bɛfa bɛha mmenia tonn bosome nnu ne, bɛ dua nu yeɛ ɔwɔ ɔ.

Nyekyire 9:19

Na mbɔngɔ nemɔ bɛ tumi wɔ bɛ noa ne bɛ dua nu, ofikyɛ bɛ dua te kyɛ ewoo, bɔ tire tua so bɔ bɛfa bepura ɔ.