Nyekyire 12:2 - AHYERƐLƐ KRONGRON

² Né ɔnwonzɛ, yeɛ afei né aworɛ ahã ye maa onwu aworɛ nu amaneɛ ɔteatea nu.

Nyekyire 12:2 Iomraidhean Croise

Yesaya 26:17

Kyɛbɔ brasua ɔnwonzɛ, ɔfo aworɛ so, ná ye ko ka ye maa osũ ne, O AWURADE, sɔ ala yeɛ yɛte wɔ wɔ nyunu ɔ.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 54:1

“To dwein, wɔ, mmotaen bɔ anwo ɔ, ma wɔ komvi so to ahurusi dwein, wɔ bɔ ennwuni aworɛ yealɛ le ɔ! Ofikyɛ brasua bɔ bɛpole ye ne, ye mma kɔyɛ pee kɔtra brasua bɔ ogya biaa ne,” AWURADE noa dwirɛ ɛne.

Yesaya 66:6

“Dede piri bie fi kuro ne anu! Komviɛ bie fi asɔneyɛɛ sua ne anu! AWURADE bɔ otua ye pɔfoɛ mɔ yɔleɛ so kerɛ ne, ye komvi ɔ!

Mika 4:9

Na afei, nzu ati yeɛ esu serɛserɛ ye? Aso ɛhene biala nne wɔ nu anaa? Aso wɔ foɛtulɛniɛ wawu anaa, bɔ enwu yealɛ kyɛ brasua bɔ aworɛ ahã ye e?

Mika 5:3

Yiti ɔkɔyakyi bɛ nu kɔɔpem mmerɛ bɔ braa bɔ wafo aworɛ so ne kɔwo ɔ. Na afei oliɛma ngaa nemɔ, bekosa bɛkɔɔboka Yisrael mma nemɔ aso.

Mateo 24:8

Na ɛhemɔ amukoraa bɛte aworɛ nu yealɛ bɔ oli moa ne.

Yohane 16:21

Sɛ aworɛ kã brasua a, onwu yealɛ, ɔnate kyɛ ye mmerɛ adwu; nakoso sɛ ɔwo baa ne pɛ a, ɔngaye yealɛ ne ko, ɔnate anigye bɔ wanya ye kyɛ wawo sona wawa wiase ne ati.

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

Galatiafoɛ 4:27

Ofikyɛ bahyerɛ kyɛ, “Ma wɔ nye gye, wɔ, mmotaen bɔ ɛnwo ɔ! Di ahurusi né tea nu, wɔ bɔ ennwu aworɛ yealɛ ɔ! Ofikyɛ brasua bɔ bɛpole ye ne, ole mmaa pee tra brasua bɔ ogya biaa ne.”

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.