Nyekyire 12:15 - AHYERƐLƐ KRONGRON

¹⁵ Na ewoo ne puli ye noa nu nzue bɔ ɔte kyɛ asue ɔ olili braa ne si, kyɛ asue ne fa ye hɔ.

Nyekyire 12:15 Iomraidhean Croise

Gyenesise 3:1

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

Edwein 18:4

Ewue nyamaa brabrale me, na ewue bu fale me so kyɛ asue;

Edwein 65:7

Ɛpo bɔ obu fa so ne, ye asorɔkye wuruwuru ne, ɔne maen maen mɔ bagyabagyayɛle ne, ɛmaa bɛyɛ konn.

Yesaya 28:2

Ɛ́mɔtie, AWURADE le ebie bɔ ɔte anwoserɛniɛ ne katakyie ɔ; ɔte kyɛ asukɔtwea bɔ ɔtɔ gua ɔ, mvrama piri bɔ ɔsɛkye nikye ɔ, ɔte kyɛ asue bɔ wayi bɔ opia nningyein kɔ ɔ, na ɔkɔfa ye sa kogyi ye kɔto aseɛ so.

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yesaya 8:7

yiti tie, AWURADE kɔfa asue Yufreti nu nzue worawora bɔ ye noa yɛ hye, bɔ ɔte Asiria hene ne ye animnyam amukoraa ne, na okoyi kobu kɔfa ye boo ne ye noa amukoraa.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Nyekyire 12:16

Nakoso aseɛ bokale braa ne; na aseɛ bukyele ye noa nu, na ɔmene asue bɔ sasrabɔnzam ne pu fili ye noa nu ne.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 17:15

Na osele me kyɛ, “Nzue mɔ bɔ enwuni bɛ, bɔ adwamanbɔlɛniɛ ne ɔte so ne, bɛte mmenia, ɛlɔen, maen maen ne edwudwolɛ mɔ.

Nyekyire 20:2

Na ɔhyele sasrabɔnzam ne, sɔ daa tete ewoo ne, bɔ ye ole Abɔnzam ne Satan ne, na ɔkyekyele ye afoɛ apee ko,