Nyekyire 12:12 - AHYERƐLƐ KRONGRON

¹² Yiti nyameɛso ne ɛmɔ bɔ ɛmɔte nyameɛso ɔ, ɛ́mɔli ahurusi! Nakoso aseɛ ne ɛpo de, bɛ yaakɔ! Ɔnate kyɛ abɔnzam le ɛyaa pirikua wadwu waatoa ɛmɔ wɔ dɔ, ofikyɛ ɔse kyɛ ye mmerɛ aha tikaape bie.”

Nyekyire 12:12 Iomraidhean Croise

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yesaya 49:13

O anwuro, ɛ́mɔto anigye dwein! O aseɛ, di ahurusi! O mmokaa mɔ, ɛ́mɔbɔ ese! Ofikyɛ AWURADE akyekye ye maen wora, na okonwu ye mmenia bɔ bɛyɛ anwumvo ne anwumvoin.

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Hebrifoɛ 10:37

“Ofikyɛ waha kãa bie, né bɔ ɔ́ba ne wawa; na ɔngɔhyɛ biala.

2 Petro 3:8

Nakoso aliɛmaa mɔ, nnɛmɔma ɛmɔ wora fi sɔ dwirɛ he, kyɛ, ɛlɛho te kyɛ afoɛ apee wɔ Awurade nye so, yeɛ afoɛ apee te kyɛ ɛlɛho wɔ ye nye so.

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Nyekyire 11:14

Musue bɔ ɔtɔ so nyɔ ne wapɛ nu. Na tie, musue bɔ ɔtɔ so nza ne ɔ́ba ndɛndɛ.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:6

Na obukyele ye noa kekane musue dwirɛ tiale Nyameɛ, ɔkekane musue dwirɛ tiale ye dumaa ne ye tena sua ne bɛ bɔ bɛte nyameɛso ɔ.

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 8:13

Na nneane, na ndele kyɛ kɔleɛ bie otu faa wɔ nyameɛso afia dɔ, ná ɔtea nu kã kyɛ, “Totorobɛndo ngaa bɔ abɔfo nza nemɔ bɛbaahu ne, bɛ komvi ne ati, bɛ bɔ bɛte aseɛ so ɔ, bɛ yaakɔ oo, bɛ yaakɔ oo, bɔ yaakɔ oo!”

Nyekyire 9:12

Musue ko apɛ nu. Na tie, waha musue nyɔ bɔ bɛbaawa ɔ.