Nyekyire 12:10 - AHYERƐLƐ KRONGRON

¹⁰ Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.

Nyekyire 12:10 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

YOB NWOMAA NE 1:11

Nakoso wɔ de, tengyɛ wɔ sa de bɔ ole ye amukoraa fi ye sa nu nea, sɛ ɔngɔkekã musue dwirɛ ngotia wɔ a!”

YOB NWOMAA NE 1:9

Na Satan buale AWURADE kyɛ, “Esurolɛ bɔ Yob suro Nyameɛ ye, aso nna nikyee bie ti ɔ?

YOB NWOMAA NE 2:5

Nakoso wɔ de, tengyɛ wɔ sa ka ye ma anwonyerɛ ɔbɔ ye nea, sɛ ɔngɔkekã musue dwirɛ ngotia wɔ a!”

Edwein 22:28

Ofikyɛ ahennie te AWURADE deɛ, na odi maen maen mɔ so hene.

Edwein 45:6

“O Nyameɛ, w’ahennie bia wɔ berɛ afebɔɔ! W’ahennie hɔtɔ ne, ɔte pɛpɛɛpɛyɛlɛ hɔtɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Mateo 6:10

W’ahennie ɔbra, Maa yɛyɔ w’apɛdeɛ wɔ aseɛ so, kyɛbɔ bɛyɔ ye wɔ nyameɛso ne.

Luka 11:2

Na osele bɛ kyɛ, “Sɛ ɛmɔbɔ mbaeɛ a, ɛmɔhã kyɛ, ‘Baba [bɔ ɛwɔ nyameɛso so ɔ,] Wɔ dumaa nwo ɔte; w’ahennie ɔbra.

Luka 22:31

[Na Awurade sele kyɛ,] “Simɔn, Simɔn, tie, ahaa Abɔnzam kuro kyɛ ye sa kã ɛmɔ, ná ohuhu ɛmɔ so kyɛ aburoo.

1 Korintofoɛ 5:4

Sɛ me sunzum ne ɛmɔ beyia nu wɔ y’Awurade Yesu Kristo dumaa nu, na y’Awurade Yesu Kristo tumi boka so a,

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

Tito 2:3

Sɔ ala yeɛ kyirekyire nworowaa nemɔ ma bɛbɔ bra bɔ ɔte krongron ɔ. Ɔnzɛ kyɛ bedi nzekure anaa bɛyɛ akɔnomnzafoɛ; na mmom ɔsɛ kyɛ bekyirekyire bɔ ɔte paa ɔ,

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 2:26

Na bɔ odi ngonim, ɔne bɔ ɔsɔ me nnwumaa nu kodwu ayieleɛ ne, ngɔma ye maen maen mɔ so tumi;

Nyekyire 7:10

Na bɛteane nu serɛserɛ kyɛ, “Ngoalelɛ te yɛ Nyameɛ bɔ ɔte ahennie bia ne aso ne ɔne Boaen Ba ne deɛ!”