Nyekyire 11:9 - AHYERƐLƐ KRONGRON

⁹ Na mmenia kofi maen maen ne mmusua kure ne edwudwolɛ ahoroɔ nu bekotu bɛ nye bekogua bɛ fuin nemɔ so ɛlɛsa ne bue, na bɛngɔma bengosie bɛ fuin nemɔ.

Nyekyire 11:9 Iomraidhean Croise

1 Ahemvo 13:22

na mmom asa wɔ si awa aadidi ano nzue wɔ nekaa bɔ ɔhane ye nwo dwirɛ hyirele wɔ kyɛ, ‘Nnɛdidi yeɛ nnɛno nzue’ ne ati, bengonya wɔ fuin bengosie ye wɔ wɔ nana mɔ asieleɛ so.”

Nworɛ Dwirɛhanɛniɛ 6:3

Sɛ sona wo mmaa ɛyaa ko ná onyi di afoɛ pee a, ɔmva ye nwo afoɛ worawora bɔ wali ɔ, sɛ wamva asetena nu nningyein paa wangye ye nye, anaakyɛ banzie ye a, ye de menwa, baa bɔ bapɔ ye ɔ po ɔte paa tra ye.

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Yeremia 7:33

Maen he anu ama bɛ fuin kɔyɛ aleɛ kɔma ewienu nnomaa ne aseɛnwo ngaka, na ebiala ngɔfoa bɛ maa bɛngɔnwati.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Nyekyire 10:11

Na osele me kyɛ, “Ɔsɛ kyɛ ɛhyɛ ngɔm fa mmenia, maen maen, edwudwolɛ ahoroɔ ne ahemvo pee nwo bieku.”

Nyekyire 11:11

Nakoso ngyẽa ɛlɛsa ne bue asi ne, ngoa sunzum fili Nyameɛ nu oowurale bɛ nu, na bedwɔso begyinane bɛ gya so, na ɛserɛ piri paa hane bɛ bɔ benwuni bɛ ne.

Nyekyire 13:7

Na bɛmane ye ate kyɛ ɔfa koɛ teta anwoteefoɛ, ná oli bɛ so ngonim. Na bɛmane ye tumi wɔ mmusua kure ne edwudwolɛ mɔ ne maen amukoraa so.

Nyekyire 17:15

Na osele me kyɛ, “Nzue mɔ bɔ enwuni bɛ, bɔ adwamanbɔlɛniɛ ne ɔte so ne, bɛte mmenia, ɛlɔen, maen maen ne edwudwolɛ mɔ.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,