Nyekyire 11:8 - AHYERƐLƐ KRONGRON

⁸ Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.

Nyekyire 11:8 Iomraidhean Croise

Gyenesise 13:13

Né Sodomfoɛ te amumuyɛɛfoɛ, bɔ bɛyɔ bɔne mbirikua mbirikua betia AWURADE ɔ.

Gyenesise 19:24

Na afei AWURADE tɔle sɔfe ne see fili anwuro guale Sodom ne Gomora so.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 23:14

Yeɛ Yerusalem ngɔmhyɛlɛfoɛ nwo koso, manwu nikyee bie bɔ ɔte anwodwiri ɔ: bɛsɛkye agyaa, yeɛ bɛpɛ ngondombo; bɛhyɛ bɔnefoɛ nguraen, maa ɔnate so ebiala ɔnzakyera mvi ye bɔne nwo; bɛ mukoraa bayɛ me nye so kyɛ Sodom; na nu ama koso bayɛ kyɛ Gomora.

Yeremia 26:23

na bɛɛhyele Yuria befili Misraim bɛfale ye bɛbrɛle Nana Yehoakim. Ɔfale ngrande huni Yuria, na ogyili ye fuin ne tole maen asieleɛ so.

Hesekiel 16:46

Eliɛma brasua panyi ole Samaria, bɔ ɔne ye mma mmrasua bɛte wɔ sa bɛen so dɔ ne. Yeɛ eliɛma brasua kãa ole Sodom, bɔ ɔne ye mma mmrasua bɛte wɔ sa famaa so dɔ ne.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 23:19

Nakoso ɔhɔle so lɔle asukɔ wɔ gyanderabɔlɛ nu, ɔkayele ye mmaayaa mmerɛ nu, mmerɛ bɔ né ɔbɔ gyandera wɔ Misraim aseɛ so ne.

Hesekiel 23:27

Na wɔ nyanzoen bra ne wɔ gyandera bra bɔ ɛne ye fili Misraim aseɛ so wale ne, ngotu ye bo; amaa ɔnate so ambagya wɔ nye angyire Misraimfoɛ anaa angaye bɛ ko.

Hesekiel 23:3

Bɛbɔle gyandera wɔ Misraim; bɛbɔle gyandera wɔ bɛ mmaayaa nu’. Berɛ yeɛ bɛmaa bemiamiane bɛ nyɔfone ná bɛsosɔle bɛ nyɔfone mbokua nu ɔ.

Hesekiel 23:8

Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Amose 4:11

“Nnuane ɛmɔ nu biemɔ boso kyɛbɔ me, Nyameɛ, nnuane Sodom ne Gomora bɛ boso ne. Na né ɛmɔte kyɛ gyetia bɔ baye bafi see bɔ ogye nu ɔ, nakoso ɛmɔanza bamma me berɛ,” AWURADE noa dwirɛ ɛne.

Mateo 10:15

Nahorɛ nu, mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom ne Gomora aseɛ ne nen, ongodwu bɔ ɔkɔto sɔ kuro ne.

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

Hebrifoɛ 13:12

Ye sɔ ne ati, Yesu koso nwuni amaneɛ wɔ kuro piri n’anoa ne asi, amaa ɔnate ye bɔbɔ ye mogya so wate adasa mmaa nwo wafi bɛ bɔne nwo.

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

2 Petro 2:6

ná sɛ obuale Sodom ne Gomora nguro foɛ ɔbɔle bɛ tɔɔ, ɔsɛkyele bɛ maa bɛyerale bɛtɔle nzoen, ná ɔfa yɛle nhwɛsoɛ mane bɛ bɔ nziɛ ye bɛkɔbɔ amumuyɛɛ bra a;

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 11:9

Na mmenia kofi maen maen ne mmusua kure ne edwudwolɛ ahoroɔ nu bekotu bɛ nye bekogua bɛ fuin nemɔ so ɛlɛsa ne bue, na bɛngɔma bengosie bɛ fuin nemɔ.

Nyekyire 14:20

Na betiatiale bobe mmaa ne aso wɔ kumaa bɔ betwi nzaa wɔ nu ne anu, wɔ kuro ne bondua, na mogya fili kumaa bɔ betwi nzaa wɔ nu ne anu hɔle anwuro oodwuli pɔngɔ tendenn, na ɔtengyɛle hɔle kɔyɛ kwanzii ɛyaa nyɔ.

Nyekyire 14:8

Na abɔfo foforɛ bɔ ɔtɔ so nyɔ ɔ lili ye si sele kyɛ, “Babilɔn abɔ! Wabɔ! Kuro piri ne, ofikyɛ wama maen maen amukoraa bano ye adwamanbɔlɛ ahonehulɛ nzaa ne bie.”

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 17:1

Afei abɔfo nzoo bɔ betiratira kulie nzoo ne, bɛ nu ko wale me berɛ oosele me kyɛ, “Bra ma ngyire wɔ ndɛenbualɛ bɔ bafa babua adwamanbɔlɛniɛ pirikua bɔ ɔte nzue pee so ne ɔ.

Nyekyire 17:18

Na braa bɔ enwuni ye ne, ye ole kuro piri bɔ odi aseɛ so ahemvo mɔ so hene ne.”

Nyekyire 17:5

Né bahyerɛ dumaa bie bagua ye nwoma so kyɛ, “Mvealeɛ nu dwirɛ! Babilɔn pirikua ne! Aseɛ so adwamanbɔlɛfoɛ ne akyiwadeɛ mɔ bɛ maame!”

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Nyekyire 18:18

na benwuni nwosina bɔ ofi ye yeralɛ ne anu nen, bɛteateane nu kyɛ, “Kuro beni yeɛ né ɔne kuro piri he bɛsɛ ɔ?”

Nyekyire 18:2

Na ɔteane nu serɛserɛ kyɛ, “Kuro piri Babilɔn abɔ, wabɔ! Wakakyi sunzummɔne mɔ b’atenaleɛ ne sunzum fiɛ amukoraa b’awuro ne nnomaa bɔ bɛ nwo nde ná bekyi ɔ amukoraa b’atenaleɛ.

Nyekyire 18:21

Yeɛ abɔfo anwoserɛniɛ bie tamone nyɔboɛ bɔ ɔte kyɛ nyɔboɛ kandinga bɔ bɛfa beti aburoo, na ogyi tole ɛpo nu hane kyɛ, “Sɔaa yeɛ bɛbaafindi kuro piri Babilɔn bɛto wɔ anyeborolɛ so ɔ, na bengonwu ye ko.

Nyekyire 18:24

Na ye nu yeɛ benwuni ngɔmhyɛlɛfoɛ ne anwoteefoɛ ne mmenia amukoraa bɔ bahũ bɛ wɔ aseɛ so ɔ bɛ mogya ɔ.”