Nyekyire 11:4 - AHYERƐLƐ KRONGRON

⁴ Na ɛhemɔ ole olive bakaa nyɔ ne ne kanea bakaa nyɔ bɔ begyigyi aseɛ Mene nyunu ne.

Nyekyire 11:4 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

Edwein 52:8

Nakoso me de, nde kyɛ olive bakaa monɛ wɔ Nyameɛ awuro; me wora wura Nyameɛ ɔdɔ bɔ onni ngasi ne anu afebɔɔ.

Ɛksadɔso 8:22

Nakoso sɔ kyẽa ne, ngɔye Gosen aseɛ bɔ me mmenia te so ne ngosie ahameɛ; nwɔsea pembepembe paa ne ngɔhɔ berɛ bie, amaa ɔnate so anwu ye kyɛ me ole AWURADE wɔ aseɛ ye aso.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yeremia 11:16

Mmerɛ bie, AWURADE tole wɔ dumaa ‘Olive Bakaa Monɛ, bɔ ɔyɛ nyemene bɔ osu mmaa paa ɔ’, nakoso ɔkɔfa mvrama bɔ otu serɛserɛ ɔ kɔto nu see kɔpomba ye mmaen mɔ.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Luka 11:33

“Ebiala nzɔ kanea mva mvea anaa ɔmva nwura ɛkorɛ bo; na mmom ɔfa sie kanea bakaa so, amaa bɛ bɔ bɛba awuro berɛ ne banwu ye hyireinn ne.

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Romanfoɛ 11:17

Babubu olive bakaa bɔ bahyɛ da balua ne mmaen ne bie bagua, na bafa ɛmɔ, Amaenmaensofoɛ bɔ ɛmɔte kyɛ olive bakaa bɔ ogyi ye buro ne basi bɛ gya nu, amaa ɛmɔ koso ɛmɔanya kyɛfa wɔ bakaa ne ndii ne ye nzue nu.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.