Nyekyire 11:3 - AHYERƐLƐ KRONGRON

³ Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Nyekyire 11:3 Iomraidhean Croise

Gyenesise 37:34

Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee.

2 Samuel 3:31

Yeɛ Dawide sele Yoabo ne koɛhonɛfoɛ amukoraa bɔ bɛboka ye so ne kyɛ, “Ɛ́mɔsunzua ɛmɔ ndaadeɛ nu, ɛ́mɔfa ɛsɛen tena bɛhera, ná ɛ́mɔsu Abenɛ.” Na Nana Dawide lili efuin alaka ne asi.

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

2 Ahemvo 19:1

Nana Hesekia tele sɔ dwirɛ nen, osunzuale ye bɔbɔ ye ndaadeɛ nu, ɔherale ɛsɛen tena, na ɔhɔle AWURADE awuro berɛ.

1 Aberɛso Dwirɛ 21:16

Dawide mane ye ti so, na onwuni AWURADE abɔfo ne kyɛ ogyi nyameɛso ne aseɛ b’afia, bɔ watengyɛ ye ngrandɛ wɔ Yerusalem so ɔ. Na Dawide ne ye mbanyi mɔ bɔ baherahera ɛsɛen tena ɔ, bɛfale bɛ nyunu bebutubutuli berɛ.

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

YOB NWOMAA NE 16:15

Mapa ɛsɛen tena mahera, na magyi m’anwoserɛ mato asefuo nu.

Edwein 69:11

Mmerɛ bɔ mvale ɛsɛen tena nyɛle me tena ne, ngakyili bɛ noa nu ngorohoɛ dwirɛ.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yeremia 1:10

Tie, ɛnɛ kyẽa ye, mama wɔ tumi wɔ maen maen ne ahennie mɔ so, kyɛ etutu bɛ bo ná edwiri bɛ gua ase, kyɛ ɛsɛkye bɛ ná ɛhã bɛ gua, kyɛ esi ná elua.”

Awuye 2:10

Sion awa brasua ye mbanyi mɔ bɛtete ase, na bayɛ konn. Bafa mvuture bagua bɛ ti so, na baherahera ɛsɛen tena. Yerusalem ababunu nemɔ, basisi bɛ ti ase.

Hesekiel 4:6

Na sɛ ɛyɔ sɔ yie a, da hyerewaa so bieku, wɔ wɔ famaa so, ná soa Yuda awuro ama b’amumuyɛɛ eleburanna. Mafa ɛlɛho biala magyina berɛ mama afoɛ ko mama wɔ.

Daniel 12:7

Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 8:14

Na obuale me kyɛ, “Sana waadwu nɔsoa ne ngyerɛmɔ sɔ alaa apee nyɔ ɛyaa nza koraka né nekaa krongron berɛ wasa wasi ye daa nu.”

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yona 3:5

Yeɛ Ninewefoɛ belele Nyameɛ dwirɛ ne belili. Bɛfa bɛtole dwaa kyɛ odi kyɛ ebiala obua da, na bɛherale ɛsɛen tena, ofi atitirefoɛ mɔ so bɔ ɔkwaadwu kwahweabaa mɔ so.

Yona 3:8

Ɔsɛ kyɛ mmenia ne ngaka bɛkera ɛsɛen tena, ná bɛyere bɛ nwo besu bɛfrɛ Nyameɛ. Ɔsɛ kyɛ ebiala yakyi ye bɔne yɔleɛ ɔne ye aminɛlilɛ bɔ ɔwɔ ye so ne.

Numeri 11:26

Mmienzua nyɔ hale asikyeleɛ ne anu. Bɛfrɛ ko Eldade, yeɛ bɛfrɛ ko koso Medade. Sunzum ne wale bɛ so. Né bɛboka mbanyi bɔ Mose yele bɛ ne aso de, nakoso bamma ɛtena sua ne anwo dɔ bie, yiti bɛhyɛle ngɔm wɔ asikyeleɛ ne anu.

Mateo 11:21

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena bafa nzoen bayɛ bɛ nwo basakyera b’adwene dada.

Mateo 18:16

Nakoso sɛ wandie a, fa sona ko anaa nyɔ boka wɔ nwo so, kyɛbɔ ɔkɔyɛ bɔ mmenia nyɔ anaa nza kɔyɛ edwirɛ ne nwo adanzefoɛ ɔ.

Luka 10:13

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena batena nzoen nu basakyera b’adwene dada.

Luka 24:48

Ɛmɔte ɛhemɔ nwo adanzefoɛ.

Yohane 15:27

na ɛmɔ koso ɛmɔkoli adanzeɛ, ofikyɛ ɛmɔ ne me anate alaa fi ahyɛaseɛ ne.”

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 13:31

na ɔfale ngyẽa pee yele ye nwo ali hyirele bɛ bɔ bɛne ye fili Galilea bɛwale Yerusalem ne. Na sɔ mmenia ne te ye adanzefoɛ ma Yisraelfoɛ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

2 Korintofoɛ 13:1

Meba ɛmɔ berɛ he a, né ye pɛen nza so ɛne. Na kwaadu biala, odi kyɛ benya adanzefoɛ nyɔ anaa nza noa dwirɛ bɛfa bɛfoa so.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Deuteronomi 17:6

Mmenia nyɔ anaa nza adanzeɛ so yeɛ ɔsɛ kyɛ begyina bebua sona ewue foɛ ɔ; na ɔnzɛ kyɛ begyina sona horɛ adanzeɛ so bebua sona ewue foɛ.

Deuteronomi 19:15

“Sɛ bɛbɔ ebie kwaadu kyɛ wayɔ amumuyɛɛ, anaa wayɔ bɔne bie, ná sɛ edwirɛ ne nwo danzeniɛ te komapɛ twe a, ye de bɛngora mmua sona bɔ babɔ ye kwaadu ne foɛ. Sana mmenia nyɔ anaa nza adanzeɛ yeɛ ɔsɛ kyɛ begyina so bebua edwirɛ ɔ.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.

Nyekyire 11:6

Bele tumi kyɛ bɛto ewienu nu, bɔ esue ndɔ wɔ mmerɛ bɔ bɛhyɛ ngɔm ɔ; yeɛ bele nzue mɔ so tumi kyɛ bɛmaa bɛkakyi mogya, ɔne tumi bɔ ɔmaa bɛfa ɛhawo biala bɛto aseɛ so, mmerɛ pee biala bɔ bekuro ɔ.

Nyekyire 12:6

Na braa ne nwati hɔle ɛserɛ so, nekaa bɔ Nyameɛ asiesie ama ye kyɛ bɛnea ye so ngyẽa apee ko ɛyaa nyɔ ne aburasia ne.

Nyekyire 13:5

Na bɛmane kaka ne noa bɔ ɔfa kekã edwirɛ mbiri mbiri ne musue dwirɛ ɔ, na bɛmane ye ate maa olili tumi bosome aburanna ne nyɔ.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.