Nyekyire 11:2 - AHYERƐLƐ KRONGRON

² Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.

Nyekyire 11:2 Iomraidhean Croise

Edwein 79:1

Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Yesaya 48:2

Ofikyɛ bɛfrɛ bɛ nwo kyɛ bɛte kuro krongron ne anu ama, bɔ bɛfa bɛ nwo bɛto Yisrael Nyameɛ so ɔ; ye dumaa ole Asafo AWURADE.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Hesekiel 4:6

Na sɛ ɛyɔ sɔ yie a, da hyerewaa so bieku, wɔ wɔ famaa so, ná soa Yuda awuro ama b’amumuyɛɛ eleburanna. Mafa ɛlɛho biala magyina berɛ mama afoɛ ko mama wɔ.

Hesekiel 42:20

Osusuli ye bue nna ne. Né fasue wɔ ye nwo bra yia bɔ ye tendenn nu te agyirɛ ɛyaa nnu, ye tɛtrɛtɛɛ nu te agyirɛ ɛyaa nnu, kyɛ ɔfa yɛ nekaa krongron berɛ ɔne nekaa mbaen ne b’afia mbɛmuɛ.

Daniel 12:7

Na biaa bɔ ɔhera nwera, bɔ ɔwɔ asue ne anye ne, ndele ye mmuayɛɛ ne. Ɔpagyale ye sa famaa ne ye sa bɛen hyirele nyameɛso, na ɔfale Ɛdangama bɔ ɔte ase daa ne tale ndaen kyɛ, “Okoodwu afoɛ nza ne bue; na sɛ bede maen krongron ne tumi befi ye sa nu beyie a, yeɛ ɛhemɔ amukoraa kɔwa nu ɔ.

Daniel 7:19

“Na kaka bɔ ɔtɔ so nna, bɔ nzonzoleɛ wɔ ye ne bɛ ngaa ne amukoraa nu, bɔ ye nwo yɛ suro paa, bɔ ye gye te buralɛ, bɔ ye gya ne ye sa boen te kɔɔbere, bɔ oku ná ɔtete nu pasapasa, ná otiatia ye ngaa ne aso ne, né mepena kyɛ menwu kyɛbɔ ye bo kyire ɔ.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Daniel 8:10

Onyini tendenn alaa oodwuli nyameɛso lɔen ne anwo, na otutuli ɛlɔen ne bie ne nzramaa ne bie guale ase, na otiatiale bɛ so.

Daniel 8:13

Yeɛ ndele kyɛ krongronniɛ bie odwudwo, na krongronniɛ ko koso bisale bɔ odwudwole ne kyɛ, “Daa biala naen yeralɛ afɔleɛ ne, musuebɔlɛ mmeraatolɛ ne, nekaa krongron berɛ bɔ waali ye sa ne, yeɛ ɛlɔen ne bɔ otiatiale bɛ so ne nwo nyekyire ne, mmerɛ beni yeɛ ɔkɔhɔ so koodwu ɔ?”

Daniel 8:14

Na obuale me kyɛ, “Sana waadwu nɔsoa ne ngyerɛmɔ sɔ alaa apee nyɔ ɛyaa nza koraka né nekaa krongron berɛ wasa wasi ye daa nu.”

Numeri 14:34

Ngyẽa eleburanna yeɛ ɛmɔfa bɛɛtetɛle aseɛ ne ɔ. Na kyɛbɔ ngyẽa ne somaa te ne, ɛmɔ amumuyɛɛ kɔbɔ ɛmɔ ti so afoɛ aburanna, bɔ kyẽa ko biala gyi berɛ ma afoɛ ko ɔ; na ɛmɔkonwu kyɛbɔ me yaafɛlɛ si te ɔ.

Mateo 27:53

na ye wutingyelɛ asi ne, befili asieleɛ nemɔ anu bɛhɔle kuro krongron ne anu, na bɛyele bɛ nwo ali behyirele mmenia pee.

Mateo 4:5

Afei abɔnzam fale ye hɔle kuro krongron ne anu, na ɔfale ye oogyinane asɔneyɛɛ sua ne ti afia,

Mateo 5:13

“Ɛmɔte aseɛ ye aso ngyee. Nakoso sɛ ngyee nu fɛɛ tu a, nzikyɛ yeɛ bɛkɔfa bekowura ye maa okosa kɔkakyi ngyee ɔ? Bɛfa bɛyɔ hwee a ɔnyɛ yee ko, sana begyi begua maa mmenia tiatia so.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Nyekyire 11:11

Nakoso ngyẽa ɛlɛsa ne bue asi ne, ngoa sunzum fili Nyameɛ nu oowurale bɛ nu, na bedwɔso begyinane bɛ gya so, na ɛserɛ piri paa hane bɛ bɔ benwuni bɛ ne.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Nyekyire 12:6

Na braa ne nwati hɔle ɛserɛ so, nekaa bɔ Nyameɛ asiesie ama ye kyɛ bɛnea ye so ngyẽa apee ko ɛyaa nyɔ ne aburasia ne.

Nyekyire 21:10

Na ɔfale me sunzum nu hɔle bokaa pirikua tendenn bie aso, na ohyirele me kuro krongron Yerusalem ne kyɛ ofi Nyameɛ berɛ wɔ nyameɛso odwu ba ɔ.

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 22:19

Yeɛ sɛ ebie ye ngɔmhyɛlɛ nwomaa he anu dwirɛ ne bie fi nu a, Nyameɛ kɔye ye bue deɛ kofi ngoa bakaa ne ne kuro krongron bɔ bahyerɛ bɛ nwo dwirɛ wɔ nwomaa he anu ne anu.