Nyekyire 11:19 - AHYERƐLƐ KRONGRON

¹⁹ Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 11:19 Iomraidhean Croise

Edwein 105:32

Ɔmane asukɔtwea tɔle kyɛ esue guale bɛ so, na agralaa tetele wɔ bɛ maen ne anu amukoraa.

Edwein 18:12

Kanea hyireinn bɔ oli ye nyunu ne, asukɔtwea kungumaboɔ ne see gonn fili nu bɔ wurale ye munungum ne anu.

Yesaya 28:2

Ɛ́mɔtie, AWURADE le ebie bɔ ɔte anwoserɛniɛ ne katakyie ɔ; ɔte kyɛ asukɔtwea bɔ ɔtɔ gua ɔ, mvrama piri bɔ ɔsɛkye nikye ɔ, ɔte kyɛ asue bɔ wayi bɔ opia nningyein kɔ ɔ, na ɔkɔfa ye sa kogyi ye kɔto aseɛ so.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Yesaya 30:30

AWURADE kɔmaa bɛkɔte ye komvi totohyia ne, na ɔkɔmaa bekonwu ye tumi asaa bɔ odwu ba ase ne, wɔ ɛyaafɛlɛ pirikua ne see bɔ ogye wuronyiwuronyi nu, wɔ esue titititi ne mvrama piri ne asukɔtwea kungumaboɔ nu.

Yesaya 32:19

Na sɛ asukɔtwea tɔ gua ɛhɔayeɛ ne aso maa ɔsɛkye, ná bedwiri kuro ne begua a,

Hesekiel 13:11

kã kyire bɛ bɔ bɛfa ewure bɛkã ye nwo ne kyɛ: Fasue ne kodwiri kogua. Esue piri kɔtɔ, asukɔtwea kungumaboɔ kɔtɔ kogua, yeɛ mvrama piri kotu.

Hesekiel 13:13

Yiti AWURADE Nyameɛ nwa nyoo: M’ahone kohu maa ngɔma mvrama piri kotu; yeɛ ngɔfɛ yaa ngɔma esue piri kɔtɔ, na m’ahone kohu maa asukɔtwea kungumaboɔ mbiri mbiri kɔsɛkye ye.

Hesekiel 38:22

Ngɔfa ewue anwonyerɛ ne mogya yeɛ ngɔtea ye ɔ; na ngɔtɔ esue kandinga paa, asukɔtwea kungumaboɔ, see ne sɔfe yeɛ ngogua ye ne ye lɔen ɔne ye maen worawora bɔ bɛboka ye so ne aso ɔ.

Numeri 10:33

Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:5

Sɛ mmerɛ dwu kyɛ ɛmɔtutu asikyeleɛ ne bɛkɔ a, odi kyɛ Aarɔn ne ye mma bɛkɔ ɛtena sua ne anu bɛkɔye mbɛmuɛ tena ne bɛfa bɛkyekye Adanzeɛ alaka ne anwo.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Nyekyire 11:13

Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 12:1

Na sɛngyerɛnneɛ piri bie lale ye nwo ali wɔ nyameɛso: Braa bie bɔ wafa eyia wahera, bɔ ye gya gyigyi ɛsraen so, ná nzramaa buru ne nyɔ abotire bobɔ ye ti ɔ.

Nyekyire 16:1

Afei ndele komviɛ piri bie bɔ ofi asɔneyɛɛ sua ne anu kyɛ odwudwo kyire abɔfo nzoo nemɔ kyɛ, “Ɛmɔhɔ beehwie bɔ ɔwɔ Nyameɛ ahonehulɛ kulie nzoo ne anu begua aseɛ so.”

Nyekyire 16:18

Na agralaa tetele, komviɛ bie wale, ɔbobɔle nu kurudududu; na aseɛwosolɛ kandinga wale, bɔ ofi mmerɛ bɔ mmenia wale aseɛ so ɔ, aseɛwosolɛ piri sɔa ebie ɔwwale le ɔ.

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 7:15

Na ye sɔ ati yeɛ bɛwɔ Nyameɛ ahennie bia ne nyunu, ná bɛsɔne ye alehyeleɛ ne alesaleɛ wɔ ye asɔneyɛɛ sua nu ɔ; na bɔ ɔte ahennie bia ne aso ne, ɔkɔfa ye tena sua ne kɔkata bɛ so.

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.

Nyekyire 8:7

Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.