Nyekyire 11:18 - AHYERƐLƐ KRONGRON

¹⁸ Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 11:18 Iomraidhean Croise

Edwein 103:11

Na kyɛbɔ anwuro ne aseɛ b’afia si wale ne, sɔ ala yeɛ ye ɔdɔ bɔ onni ngasi ne ɔte piri ma bɛ bɔ besuro ye ɔ.

Edwein 110:5

AWURADE wɔ wɔ sa famaa so; ye yaafɛlɛ kyẽa ne, ɔkɔtete ahemvo mɔ nu pasapasa.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Edwein 2:5

Afei okodwudwo kohyire bɛ wɔ ye ɛyaafɛlɛ nu, ná wafa ye ahonehulɛ ne wama ahunundetelɛ atɔ bɛ so, kyɛ,

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Daniel 11:44

Nakoso ngraa bɔ ɔkɔte kofi eyia afiteleɛ bue nu dɔ ɔne sorɔ dɔ ne, ɔkɔma ye kunu kɔtete ye, na okotu kɔtengyɛ kɔhɔ mmenia pee so anyeborolɛ so, kyɛ ɔkwaahũhũ bɛ onua bɛ boso.

Daniel 7:26

Nakoso badwafoɛ nemɔ bɛkɔtena ase kobua ndɛen, bekole ye tumi ne bekofi ye sa nu, ná bahu ye bama ye boso amini bɔkɔɔ waadwu ayieleɛ.

Daniel 8:25

Na ye kanda ne ati, ɔkɔma nnakannaka kotira ndii wɔ ye aberɛ so, ye ti anu kɔyɛ ye fɛ maa ɔkɔhoahoa ye nwo, okohũhũ mmeni pee bɔ ɔngɔbɔ bɛ kɔkɔ ɔ, okodwɔso kotia ahemvo mɔ nu Hene ne, nakoso bekobu ye nu gyein wɔ aberɛ bɔ nna sona yeɛ wafa ye sa wahã ye ɔ.

Mateo 5:12

Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Luka 1:50

Na ye anwumvoinnwunɛ ne, ɔwɔ bɛ bɔ besuro ye ɔ so, wɔ aworɛ ndoatoasoɛ amukoraa nu.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,

Nyekyire 10:7

na mmom mmerɛ bɔ abɔfo bɔ ɔtɔ so nzoo ne kohu ye totorobɛndo ne, yeɛ Nyameɛ mvealeɛ nu dwirɛ ne kɔwa nu ɔ, kyɛbɔ ɔhane ye nwo dwirɛ hyirele ye ngoaa ngɔmhyɛlɛfoɛ nemɔ ne.”

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 13:16

Na ɔhyɛ mmenia mukoraati: kwahweabaa mɔ ne atitire, esikafoɛ ne ehiafoɛ, nnehyeɛ ne nganga maa bɛhyɛ bɛ nzorɛ wɔ bɛ sa famaa nwo, anaa bɛ nwoma so;

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 15:1

Afei nwuni sɛngyerɛnneɛ foforɛ bie bɔ ɔte pirikua ná ɔyɛ nwanwa ɔ wɔ nyameɛso: Abɔfo nzoo bɔ betiratira ɛhawo nzoo bɔ ɔpɛ ye bo ɔ, bɔ yeɛ ɔpɛ Nyameɛ ahonehulɛ ne abo ɔ.

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 18:6

Ɛ́mɔtua ye so kerɛ kyɛbɔ otuale ɛmɔ so kerɛ ne, ɛ́mɔtua ye so kerɛ mmɔhoɛ nyɔ, kyɛbɔ ye yɔleɛ te ɔ; kwangoa bɔ nu yeɛ ɔfrafrale ne, ɛ́mɔfra ye mmɔhoɛ nyɔ bɛ́ma ye.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 19:18

ná ɛmɔɔli ahemvo mɔ naen, safohene mɔ naen, katakyie mɔ naen, mbɔngɔ ne mbɔngɔhanɛfoɛ mɔ naen, mmenia mukoraa, nnehyeɛ ne nganga, kwahweabaa mɔ ne atitire mɔ bɛ naen.”

Nyekyire 19:5

Na komviɛ bie fili ahennie bia ne anu teane nu kyɛ, “Ɛ́mɔye yɛ Nyameɛ ayɛ, ɛmɔ bɔ ɛmɔte ye ngoaa ne ɛmɔ bɔ ɛmɔsuro ye amukoraa, kwahweabaa mɔ ne atitire!”

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 22:12

“Tie, méba ndɛndɛ; na ndira m’akatuaa kyɛ mefa mebrɛ ebiala kyɛbɔ ye nnwumaa te ɔ.