Nyekyire 11:17 - AHYERƐLƐ KRONGRON

¹⁷ na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.

Nyekyire 11:17 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Edwein 21:13

Ao AWURADE, gyina w’anwoserɛ so ma wɔ nwo so! Yɛkɔto dwein yɛkɔye wɔ tumi ne ayɛ.

Edwein 57:11

Ao Nyameɛ, kyire kyɛbɔ esi te piri ɔ wɔ anwuro anwuro. Ma w’animnyam kata aseɛ so amukoraa.

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 9:15

Ɛ́mɔma yɛla Nyameɛ ase wɔ ye akyɛdeɛ bɔ olle kabea ne anwo.

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 16:5

Na ndele kyɛ nzue mɔ so abɔfo ne ɔkã kyɛ, “O Krongronniɛ, wɔ bɔ ɛwɔ berɛ, ná ɛwɔ berɛ fi tetetete ɔ, ɛtengyɛ, ofikyɛ sɔ yeɛ abua ndɛen ɔ.

Nyekyire 16:7

Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.