Nyekyire 11:15 - AHYERƐLƐ KRONGRON

¹⁵ Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 11:15 Iomraidhean Croise

Edwein 110:4

AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Edwein 146:10

AWURADE koli hene afebɔɔ, ao Sion, wɔ Nyameɛ di hene aworɛ ndoatoasoɛ amukoraa nu. Ɛ́mɔye AWURADE ayɛ!

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Edwein 82:8

Ao Nyameɛ, dwɔso ná bua aseɛ so ama ndɛen, ofikyɛ maen maen amukoraa bɛte w’agyapadeɛ!

Edwein 86:9

Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Ɛksadɔso 15:18

AWURADE koli hene afebɔɔ.”

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Hesekiel 47:5

Osa susuli agyirɛ apee ko, na ɔte asue bɔ mangora ye pɛ ɔ, ofikyɛ né nzue ne wayi bɔ bɛngora ye pɛ ɔ, sana ebia pɛ ye.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:18

Nakoso Anwuro Anwuroniɛ ne, ye anwoteefoɛ nemɔ bekonya ahennie ne, na bɛ sa kɔhã ahennie ne afebɔɔ mmerɛ bɔ olle ayieleɛ ɔ.’

Daniel 7:22

kɔpem kyɛ Bɔ Ɔwɔ Berɛ Fi Tetetete ne wale ɔ, na obuale Anwuro Anwuroniɛ n’anwoteefoɛ nemɔ be, na mmerɛ ne dwuli maa anwoteefoɛ nemɔ bɛ sa hane ahennie ne.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Hosea 2:23

Ngolua ye ngɔma me nwo wɔ aseɛ ne aso. Ngonwu bɔ mannwu ye anwumvoin ne anwumvoin, na ngose bɔ ɔtte me maen ne kyɛ, ‘Ɛte me maen,’ na bɛ koso bɛkɔhã kyɛ, ‘Ɛte me Nyameɛ.’ ”

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 24:31

Na ɔkɔsoma ye abɔfo mɔ maa bɛkɔfa totorobɛndohulɛ akomvi piri bɛkɔwa, na bɛkɔboaboa bɛ bɔ waneanea nu waye bɛ nemɔ noa bekofi mvrama nna nemɔ anu, kofi anwuro noa koodwu ye noa.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Luka 1:33

na okoli Yakob awuro so hene afebɔɔ, na ye ahennie ne olle ayieleɛ.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:6

Na sɛ ɔba awuro a, ɔfrɛfrɛ ye mmango mɔ ne ye mandamu berɛ ama maa bɛbayia, na ose bɛ kyɛ, ‘Ɛ́mɔma yɛgye yɛ nye, ofikyɛ manwu me boaen bɔ ominini ne.’

Asomafoɛ 4:26

Aseɛ so ahemvo mɔ besiesie bɛ nwo bɛma koɛ, na atitirefoɛ beyia neka horɛ bedwɔso betia Awurade ne ye Kristo ne.’

Hebrifoɛ 1:8

Nakoso Ɔwa ne de, bɔ ɔha fale ye nwo ɛhe: “O Nyameɛ, w’ahennie bia wɔ berɛ afebɔɔ! W’Ahennie hɔtɔ ne te teenenee hɔtɔ.

Nyekyire 10:7

na mmom mmerɛ bɔ abɔfo bɔ ɔtɔ so nzoo ne kohu ye totorobɛndo ne, yeɛ Nyameɛ mvealeɛ nu dwirɛ ne kɔwa nu ɔ, kyɛbɔ ɔhane ye nwo dwirɛ hyirele ye ngoaa ngɔmhyɛlɛfoɛ nemɔ ne.”

Nyekyire 12:10

Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 16:17

Na abɔfo bɔ ɔtɔ so nzoo ne hwiele bɔ ɔwɔ ye kulie ne anu guale mvrama nu. Na komviɛ piri bie fili asɔneyɛɛ sua ne anu, fili ahennie bia ne anu, kyɛ, “Wayie!”

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 19:1

Na ɛhemɔ asi ne, ndele komviɛ bie bɔ ɔte kyɛ ɛlɔen kandinga komvi piri ɔ wɔ nyameɛso kyɛ, “Haleluya! Ngoalelɛ ne animnyam ne anidie ne tumi te [Awurade] yɛ Nyameɛ deɛ;

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 9:1

Na abɔfo bɔ ɔtɔ so nnu ne huli ye totorobɛndo ne, na nwuni kyɛ nzramaa bie watu wafi nyameɛso waatɔ aseɛ so, na bɛfale aseɛ bo dɔ kumaa kuronguronn ne noa safoaa bɛmane ye.

Nyekyire 9:13

Na abɔfo bɔ ɔtɔ so nzia ne huli ye totorobɛndo ne, na sikaa kɔkorɛ afɔleɛ bokyea bɔ ogyi Nyameɛ nyunu ne, ndele kyɛ komviɛ bie afi ye mmɛen nna nemɔ anu,