Nyekyire 11:13 - AHYERƐLƐ KRONGRON

¹³ Na aseɛ wosole wɔ sɔ dɔnhwere ne ala nu, na kuro ne ngyɛmuɛ buru nu ko bu guale, na aseɛwosolɛ ne huni mmenia apee nzoo; na ɛserɛ hane bɛ bɔ baha ne, na bɛhyɛle nyameɛso Nyameɛ ne animnyam.

Nyekyire 11:13 Iomraidhean Croise

Gyenesise 6:4

Na sɔ mmerɛ ne anu, yeɛ ye si ye po, né Nefilifoɛ wɔ aseɛ so. Na ɔwale kyɛ Nyameɛ mma nemɔ bɛɛfale mmenia mma mmrasua nemɔ, na bɛ ne bɛ wowole mmaa. Na sɔ mmaa nemɔ ole daa tete anwoserɛfoɛ, mmenia bɔ belele dumaa ne.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Yohane 9:24

Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Yosua 7:19

Na Yosua sele Akan kyɛ, “Mma, fa animnyam ma AWURADE Yisrael Nyameɛ, ná ka nahorɛ wɔ ye nyunu. Nikyee bɔ ayɔ ne, ka kyire me kekesaala ye. Nnɛfa fea me.”

Nyekyire 11:11

Nakoso ngyẽa ɛlɛsa ne bue asi ne, ngoa sunzum fili Nyameɛ nu oowurale bɛ nu, na bedwɔso begyinane bɛ gya so, na ɛserɛ piri paa hane bɛ bɔ benwuni bɛ ne.

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Nyekyire 3:4

Nakoso ele mmenia kãa bie wɔ Sadise bɔ bɛ de begguale b’ataadeɛ nwo fiɛ ɔ; na bɛne me kɔnate bɔ bewura ndaadeɛ fufuɛ ɔ, ofikyɛ bɛfata sɔ.

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.