Nyekyire 11:10 - AHYERƐLƐ KRONGRON

¹⁰ Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Nyekyire 11:10 Iomraidhean Croise

1 Ahemvo 18:17

Ahabo nwuni Elia ne, osele Elia kyɛ, “Nna wɔ ɛhe, wɔ bɔ ɛmma Yisrael nwo ndɔ ye ɔ!”

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

1 Ahemvo 22:18

Yeɛ Yisrael hene sele Yehosafate kyɛ, “Manga mangyire wɔ kyɛ ɔngɔhyɛ ngɔm paa biala ngɔfa me nwo, sana musue nwo ngɔm ala?”

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

Edwein 13:4

nna me pɔfoɛ wanga kyɛ, “Mali ye so ngonim”, nna mamvi ase amma me pɔfoɛ mɔ banni ahurusi.

Edwein 35:19

Pɔfoɛ ngondombofoɛ nemɔ, nnɛmaa bedi me nwo ahurusi, bɛ bɔ bɛpɔ me mbaen ne, nnɛmaa bebu me kangyerɛ.

Edwein 89:42

Ama bɛ bɔ bɛhyɛ ye so ne bali ye so ngonim, ama ye pɔfoɛ amukoraa bali ahurusi.

Anyandera 24:17

Wɔ pɔfoɛ fĩ ase a, nnɛmaa ɔyɛ wɔ fɛ, yeɛ sɛ osoti koso a, nnɛma wɔ nye gye,

Yeremia 38:4

Yeɛ mbanyi nemɔ hã hyirele ɛhene ne kyɛ, “Yɛsrɛ wɔ, maa behũ akoaa he, ofikyɛ ɔnate ye dwirɛ bɔ ɔkekã kyire bɛ ne aso, obu koɛhonɛfoɛ bɔ baha kuro ye anu, ɔne maen ne amukoraa b’abasa nu. Ofikyɛ akoaa he ɔmbena maen he yé, na mmom ɔpena ye ne tɛɛ.”

Yeremia 50:11

“Ao, ɛmɔ bɔ ɛmɔfẽ m’agyapadeɛ ne ɔ, ɔnate kyɛ ɛmɔ nye gyele, ɔnate kyɛ ɛmɔlili ahurusi ne ati, ɛmɔayɛ mbiri mbiri kyɛ nandwie beleɛ akrɔngrɔma bɔ ɛserɛ apɛ ye nwo ayia ɔ, yeɛ ɛmɔsu kyɛ nandwie nyii’.

Obadia 1:12

Nakoso ahaa onni kyɛ wɔ nye gye wɔ eliɛma n’amaneɛnwunɛ kyẽa ne anwo, yeɛ ahaa onni kyɛ edi ahurusi wɔ Yuda mma bɔ né bekũkũ bɛ ne anwo. Afei ahaa onni kyɛ ɛkekã anwomasoɛ dwirɛ, wɔ b’aworabɔlɛ kyẽa ne anwo.

Mika 7:8

Wɔ, me pɔfoɛ, nnɛdi me nwo ahurusi; sɛ mefi ase a, ngodwɔso, sɛ nde awosii nu a, AWURADE yeɛ ɔkɔyɛ me kanea ɔ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Yohane 16:20

Nahorɛ nu paa, mekã mekyire ɛmɔ kyɛ: Ɛmɔkosu ná ɛmɔabɔ awuye, nakoso wiase koli ahurusi; na ɛmɔ de, ɛmɔ wora kɔbɔ, nakoso ɛmɔ aworabɔlɛ ne kɔkakyi ahurusililɛ.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

1 Korintofoɛ 13:6

Ɔdɔ nye ngye bɔne nwo, na mmom ye nye gye nahorɛ nwo.

Nyekyire 12:13

Na sasrabɔnzam ne nwuni kyɛ bafindi ye bato aseɛ so nen, otuli ye nye siele braa bɔ ɔwole baa bienzua ne aso.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 16:10

Na abɔfo bɔ ɔtɔ so nnu ne hwiele bɔ ɔwɔ ye kulie ne anu guale kaka n’ahennie bia ne aso, na ye ahennie ne kakyili awosii; na mmenia fale yealɛ bɛpesale bɛ temverema.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.