Nyekyire 10:9 - AHYERƐLƐ KRONGRON

⁹ Yiti ngɔle abɔfo ne nwo berɛ, na nzele ye kyɛ, “Fa nwomaa kaaba ne ma me.” Na osele me kyɛ, “De ná di; na ɔkɔyɛ weewee wɔ wɔ kunu, nakoso ɔkɔyɛ menemene kyɛ woɛ wɔ wɔ noa nu.”

Nyekyire 10:9 Iomraidhean Croise

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Hesekiel 2:8

“Na wɔ, Sona awa, tie bɔ méka mékyire wɔ ye. Nnɛyɛ lɔen kyɛ sɔ ɛlɔenyɛlɛ abusua ne. Bukye wɔ noa nu, ná di bɔ méfa méma wɔ ye.”

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Kolosefoɛ 3:6

Ɔnate ɛhemɔ ati yeɛ Nyameɛ ahonehulɛ ne ɔba asoserɛfoɛ so ɔ.

Nyekyire 10:10

Na nnele nwomaa kaaba ne mvili abɔfo ne sa nu nnili; na ɔyɛle me noa nu menemene kyɛ woɛ, nakoso nni nyiele nen, ɔyɛle me kunu dɔ weewee.