Nyekyire 10:4 - AHYERƐLƐ KRONGRON

⁴ Na agralaa nzoo ne bobɔle nu kurudududu nen, nyɛle kyɛ mekyerɛ, nakoso ndele kyɛ komviɛ bie fi nyameɛso ɔkã kyire me kyɛ, “Edwirɛ bɔ agralaa kurudududu nzoo nemɔ bahã ne, sɔ ye noa, na nnɛkyerɛ.”

Nyekyire 10:4 Iomraidhean Croise

Yesaya 29:11

Nyekyire he amukoraa, wakakyi ɛmɔ nye so kyɛ edwirɛ bɔ ɔwɔ nwomaa bɔ nzɔanoɛ sɔ ye noa ɔ nu. Sɛ bɛfa bɛma ebie bɔ ɔse nwomaa kyɛ, “Mesrɛ wɔ, kenga ɛhe” a, ɔkã kyɛ, “Mengɔhora, ofikyɛ nzɔanoɛ sɔ ye noa.”

Yesaya 8:1

Afei AWURADE sele me kyɛ, “Fa nyɔboɛ pirikua taataa bɔ bɛkyerɛ so ɔ, ná twerɛ bɔ sona kɔkenga kɔte ye bo ɔ, kyɛ, ‘Maheri Sala Hasibase’.

Yesaya 8:16

Bobɔ adanzeɛ ne, na ngyerɛkyerɛ bɔ mefa mema m’asuafoɛ ne, fa nzɔanoɛ sɔ ye noa.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Daniel 12:9

Na obuale kyɛ, “Daniel, wɔ de kɔ, ofikyɛ edwirɛ nemɔ te mvealeɛ nu dwirɛ, na bafa nzɔanoɛ basɔ ye noa kɔpem ayieleɛ mmerɛ ne.

Daniel 8:26

Nɔsoa ne ngyerɛmɔ nyekyire bɔ mala ye ali ne, ɔte nahorɛ; nakoso nnɛbɔ nyekyire ne aso, ofikyɛ kyẽa bie dee yeɛ okosi ɔ.”

Deuteronomi 29:29

“Mvealeɛ nu dwirɛ te AWURADE yɛ Nyameɛ deɛ, nakoso edwirɛ bɔ wala ye ali ne de, ɔte yɛ ne yɛ mma mɔ deɛ afebɔɔ, amaa ɔnate so yali mmeraa he anu dwirɛ amukoraati so.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 10:8

Na komviɛ bɔ nde mvili nyameɛso ne odwudwo hyirele me bieku kyɛ, “Nwomaa kaaba bɔ babukye nu, bɔ ɔwɔ abɔfo bɔ ogyi ɛpo ne aseɛ so ye sa nu ne, kole.”

Nyekyire 22:10

Na osele me kyɛ, “Ngɔmhyɛlɛ dwirɛ bɔ ɔwɔ nwomaa he anu ne, nnɛfa nzɔanoɛ sɔ ye noa, ofikyɛ mmerɛ ne apingye.