Nyekyire 10:3 - AHYERƐLƐ KRONGRON

³ Na ɔteane nu serɛserɛ kyɛ gyata bɔ ɔbobɔ nu ɔ. Na ɔteane nu nen, agralaa nzoo ne bobɔle nu kurudududu.

Nyekyire 10:3 Iomraidhean Croise

Edwein 29:3

Yɛte AWURADE komvi wɔ asue nemɔ aso, animnyam Nyameɛ ɔbobɔ nu kurudududu, AWURADE bobɔ nu wɔ asue mbiri mbiri nemɔ aso.

Anyandera 19:12

Sɛ ɛhene fɛ yaa a, ɔte kyɛ gyata bɔ opo ɔ, nakoso ye anwumvoinnwunɛ te kyɛ ndire so ebosue.

Yesaya 31:4

Ofikyɛ AWURADE sele me kyɛ: Kyɛbɔ gyata anaa gyata akrɔngrɔma ɔyɛ ye komvi hoohoo gua naen bɔ wahye ye ɔ so, bɔ mmoaenneafoɛ kure bɛba ye so a onzuro kyɛ bɛteatea nu begua ye so, anaakyɛ ɔndɛ b’anwunanwuna ne aso ne, sɔ ala yeɛ Asafo AWURADE kodwu kɔwa kɔɔho koɛ wɔ Sion bokaa ne ye pambaa ne aso ɔ.

Yesaya 42:13

AWURADE kɔhɔ ye nyunu kyɛ katakyie, ɔkɔma ye ahone kohu kyɛ koɛhonɛniɛ, ɔkɔtea nu, ɔkɔbɔ ese, na okoli ye pɔfoɛ mɔ so ngonim.

Yesaya 5:29

Kyɛbɔ besi bɛbobɔ nu ne, ɔte kyɛ gyata deɛ, na bepo kyɛ gyata akrɔngrɔma mɔ, bɛyɛ bɛ komvi hooo bɛkye bɛ naen, na bɛfa bɛkɔ bɔ ebiala ngora nnne mvi bɛ sa nu ɔ.

Yeremia 25:30

“Yiti, fa sɔ dwirɛ hemɔ amukoraa hyɛ ngɔm tia bɛ, ná se bɛ kyɛ, ‘AWURADE kofi anwuro anwuro kɔbobɔ nu, na ɔkɔtea nu kofi ye atenaleɛ krongron ne anu berɛ; ɔkɔbobɔ nu serɛserɛ kogua ye atenaleɛ so, na ɔkɔtea nu kyɛ bɛ bɔ bétwi bobe ɔ kogua aseɛ ye aso ama amukoraa so.

Hesekiel 10:5

Na dede bɔ kɛrubim nemɔ bɛ ndaa ne yɔle ne, né ɛte alaa kodwu bondua dɔ, bɔ ɔte kyɛ Tuminiɛ Nyameɛ ye komvi bɔ odwudwo ɔ.

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Amose 1:2

Na osele kyɛ, “AWURADE bobɔ nu fi Sion, na ɔma ye komvi so fi Yerusalem, aseɛ bɔ mmoaenneafoɛ benya ngaka aleɛ wɔ so ne, odi aworabɔlɛ, yeɛ bokaa Kamɛl ti afia ayɛ pralaa.”

Amose 3:8

Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.

Nyekyire 15:1

Afei nwuni sɛngyerɛnneɛ foforɛ bie bɔ ɔte pirikua ná ɔyɛ nwanwa ɔ wɔ nyameɛso: Abɔfo nzoo bɔ betiratira ɛhawo nzoo bɔ ɔpɛ ye bo ɔ, bɔ yeɛ ɔpɛ Nyameɛ ahonehulɛ ne abo ɔ.

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.