Nyekyire 10:10 - AHYERƐLƐ KRONGRON

¹⁰ Na nnele nwomaa kaaba ne mvili abɔfo ne sa nu nnili; na ɔyɛle me noa nu menemene kyɛ woɛ, nakoso nni nyiele nen, ɔyɛle me kunu dɔ weewee.

Nyekyire 10:10 Iomraidhean Croise

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 119:103

Wɔ dwirɛ ne, kyɛbɔ osi yɛ me fɛ ɔ! Ɔyɛ me noa nu fɛ tra woɛ!

Edwein 19:10

Nhyehyɛleɛ ne di mu tra esikaa kɔkorɛ, ɔtra esikaa kɔkorɛ paa po. Ɔte menemene tra woɛ, na ɔtra woɛ bɔ ofi nzasameɛ nu ɔpepe ɔ.

Anyandera 16:24

Edwirɛ bɔ ɔyɛ fɛ ne, ɔte kyɛ woɛ bɔ ɔwɔ nzasameɛ nu ɔ, ɔte menemene ma sona kra, na ɔma aporɛnuserɛ.

Hesekiel 2:10

Ɔtrɛle nu wɔ me nyunu berɛ. Né bahyerɛ ye nyunu ne ye si, na né nu ahyerɛlɛ ne ɔte awuyebɔlɛ, esuɛ ne yealɛlilɛ.

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 3:3

Na osele me kyɛ, “Sona awa, nwomaa he bɔ mabobɔ, bɔ mafa mama wɔ ne, di maa wɔ ko yi.” Yiti nnili, na ɔyɛle me noa nu menemene kyɛ woɛ.

Nyekyire 10:11

Na osele me kyɛ, “Ɔsɛ kyɛ ɛhyɛ ngɔm fa mmenia, maen maen, edwudwolɛ ahoroɔ ne ahemvo pee nwo bieku.”

Nyekyire 10:9

Yiti ngɔle abɔfo ne nwo berɛ, na nzele ye kyɛ, “Fa nwomaa kaaba ne ma me.” Na osele me kyɛ, “De ná di; na ɔkɔyɛ weewee wɔ wɔ kunu, nakoso ɔkɔyɛ menemene kyɛ woɛ wɔ wɔ noa nu.”