Nyekyire 1:9 - AHYERƐLƐ KRONGRON

⁹ Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 1:9 Iomraidhean Croise

Mateo 20:23

Yeɛ Yesu sele bɛ kyɛ, “Amba, ɛmɔkɔno me kulie ne (noa) de, [yeɛ asubɔlɛ bɔ bɛfa bɛbɔ me ne, ɛmɔkɔmaa bɛkɔfa bɛkɔbɔ ɛmɔ de,] nakoso bɔ ɔtena me sa famaa so ne me sa bɛen so de, nna me deɛ ɔ bɔ mefa mema ɔ; na mmom bɛkɔfa bɛkɔma bɛ bɔ me Baba asiesie ama bɛ ɔ.”

Marko 10:39

Na bebuale ye kyɛ, “Yɛkɔhora.” Na Yesu sele bɛ kyɛ, “Amba, ɛmɔkɔno kulie bɔ meno ne (noa), yeɛ bɛkɔfa asubɔlɛ bɔ bɛfa bɛbɔ me ne bɛkɔbɔ ɛmɔ de,

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

Romanfoɛ 8:25

Na sɛ yɛ nye la bɔ yɛnnwu ye so a, ye de yɛfa aboterɛ yɛwondɛ.

2 Korintofoɛ 1:7

Yiti y’anyelasoɛ bɔ yele yɛma ɛmɔ ne gyi berɛ pindinn, ofikyɛ yɛse kyɛ, kyɛbɔ ɛmɔ ne yɛ nwu amaneɛ ye ne, sɔ ala yeɛ ɛmɔ ne yɛ konya aworakyekyerɛ ɔ.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Filipifoɛ 4:14

Nakoso ɔte paa kyɛ ɛmɔbokale me wɔ m’anwokyere nu ɔ.

2 Tɛsalonika 3:5

Yɛsrɛ Awurade kyɛ obukye ɛmɔ adwene nu ma ɛmɔte Nyameɛ ɔdɔ ne Kristo aboterɛ ne bo.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

Hebrifoɛ 10:36

Odi kyɛ ɛmɔmia ɛmɔ nye, amaa ɛmɔahora bayɔ Nyameɛ apɛdeɛ ná ɛmɔ sa ahã ye bɔhyɛ ne.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:2

bɔ odi Nyameɛ dwirɛ ne ne Yesu Kristo adanzeɛ ne nwo adanzeɛ, ɔne bɔ onwuni ye ne amukoraa nwo adanzeɛ ɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:6

ná wayɛ yɛ ahennie maen ne asɔfo wama ye Baba Nyameɛ ne, animnyam ne tumi ɔyɛ ye deɛ daa daa, Amen.

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 12:17

Afei sasrabɔnzam ne fɛle braa ne so yaa, na ɔɔfale koɛ toale ye bosofoɛ ngaa bɔ bedi Nyameɛ ahyɛdeɛ so, ná betira Yesu Kristo adanzeɛ nu ne.

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 14:12

Na ɛhe hia anwoteefoɛ animia, bɛ bɔ bedi Nyameɛ ahyɛdeɛ so ná betira Yesu gyidie nu ne.”

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Nyekyire 6:9

Na ɔtele nzɔanoɛ bɔ ɔtɔ so nnu ne noa ne, bɛ bɔ ɔnate Nyameɛ dwirɛ ne ne b’adanzeɛ bɔ belili ti behuni bɛ ne, nwuni bɛ kra mɔ wɔ afɔleɛ bokyea ne abo.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.