Nyekyire 1:8 - AHYERƐLƐ KRONGRON

⁸ Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 1:8 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 28:3

Ɛdangama Nyameɛ óyira wɔ ná ɔma ɛwo, ná wɔ boso ɔtrɛ, amaa ɔnate so ayɛ maen maen pee bɛ nana.

Gyenesise 35:11

Na Nyameɛ sele ye kyɛ, “Me ole Ɛdangama Nyameɛ, wo mmaa na wɔ boso ɔ́trɛ. Maen ne maen pee kofi wɔ nu kɔwa, na ɛhene mɔ kofi wɔ nu kɔwa.

Gyenesise 43:14

Ɛdangama Nyameɛ ɔ́ma biaa ne ónwu ɛmɔ anwumvoin, na ɔ́ma ɛmɔ aliɛma ko ne, ɔne Benyamin besa bɛbra. Sɛ ɔba kyɛ odi kyɛ mma mɔ befi me sa a, ɔyɛ sɔ.”

Gyenesise 48:3

Na Yakob sele Yosef kyɛ, “Ɛdangama Nyameɛ yele ye nwo ali hyirele me wɔ Luse bɔ ɔwɔ Kanaan aseɛ so. Oyirale me,

Gyenesise 49:25

Wɔ baba ye Nyameɛ yeɛ ɔkɔboka wɔ ɔ, Ɛdangama Nyameɛ yeɛ okoyira wɔ ɔ, ɔkɔfa nyameɛso anwuro anwuro saleɛ yeɛ okoyira wɔ ɔ; aseɛ bo dɔ saleɛ buma bɔ ɔtrɛ ɔ, nyɔfone ne aworɛ nu saleɛ yeɛ ɔkɔfa koyira wɔ ɔ.

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Yesaya 43:10

AWURADE nwa nyoo, “Ɛmɔte m’adanzefoɛ, ɔne me somvoɛ bɔ maneanea nu maye ye ɔ, amaa ɔnate so ɛmɔanwu me ná ɛmɔale me bali, ná ɛmɔate ye bo kyɛ me ole Ye. Banyɔ nyameɛ biala bɔ olili me nyunu wale ɔ, yeɛ ebiala ngofi me si ngɔwa.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 48:12

“Yɛ asoɛ tie me, O Yakob ne Yisrael bɔ mafrɛ wɔ ɔ! Me ole Ye, me ole bɔ oli moa ne, yeɛ me ala koso ole ayieleɛ ne.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Numeri 24:4

sona bɔ ɔte Nyameɛ dwudwolɛ ne, ye ngɔmhyɛlɛ, bɔ onwu Ɛdangama ye nyekyire ne, bɔ ɔkata ye nye po a, ye nye nwu nikyee ne.

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 11:17

na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 16:7

Na ndele komviɛ bie bɔ ofi afɔleɛ bokyea ne anu kyɛ, “Amba, O Tuminiɛ Awurade Nyameɛ, wɔ ndɛenbualɛ te nahorɛ na ɔtengyɛ.”

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 21:22

Na mannwu asɔneyɛɛ sua biala wɔ kuro ne anu, ofikyɛ Tuminiɛ Awurade Nyameɛ ne Boaen Ba ne yeɛ bɛte nu asɔneyɛɛ sua ɔ.

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!