Nyekyire 1:7 - AHYERƐLƐ KRONGRON

⁷ Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 1:7 Iomraidhean Croise

YOB NWOMAA NE 33:26

ye de, sɔ sona ne bɔ mbaeɛ srɛ Nyameɛ a, ode ye, ɔfa anika ba Nyameɛ nyunu, na ɔfa ye bɔne kyɛ ye maa ɔtengyɛ.

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Edwein 68:1

Nyameɛ, dwɔso, ná ma wɔ pɔfoɛ mɔ bɛbɔ aya; bɛ bɔ bekyi wɔ ne, maa bɛnwati befi wɔ nyunu.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Sakaria 12:11

Sɔ kyẽa ne, awuyebɔlɛ piri paa kɔwa Yerusalem bɔ ɔte kyɛ Hadadrimon awuyebɔlɛ wɔ Megido bɔnza nu ne.

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Marko 14:62

Na Yesu buale kyɛ, “Yoo, Me ole ye; na ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum nu ɔ!.”

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Yohane 19:34

Nakoso asraafoɛ nemɔ anu ko fale pealɛɛ wɔle ye mvenu, na berɛ ne ala, mogya ne nzue fili nu wale.

Yohane 19:37

Afei koso, Ahyerɛlɛ foforɛ kã kyɛ, “Bekotu bɛ nye bekogua bɔ bɛwɔle ye pealɛɛ ne aso.”

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

1 Tɛsalonikafoɛ 4:17

na afei yɛ bɔ yɛte ase, bɔ yaha ne, ɔne bɛ koso, bɛkɔfa yɛ munungum nu maa yɛkooyia Awurade wɔ ewienu, na sɔ yeɛ yɛne Awurade kɔtena daa ɔ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

Yuda 1:14

Na sɔ mmenia nemɔ yeɛ Henɔke, bɔ ɔte aworɛ ndoatoasoɛ nzoo fi Adam so ne, ɔhyɛle ngɔm fale bɛ nwo kyɛ, “Tie, Awurade ne ye anwoteefoɛ apee apee bɛ́ba;

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!

Nyekyire 22:4

Bekonwu ye nyunu, na ye dumaa kɔbobɔ bɛ nwoma so.

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.