Nyekyire 1:4 - AHYERƐLƐ KRONGRON

⁴ Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:4 Iomraidhean Croise

Edwein 90:2

Anzana ɛbaabɔ mmokaa mɔ ne, anaa ɛbaahyehyɛ aseɛ ne wiase ne, ofi tete bɔ ɔkwaadwu afebɔɔ, ɛte Nyameɛ.

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Sakaria 3:9

Tie, nyɔboɛ bɔ mafa mato Yosua nyunu, nyɔboɛ komapɛ bɔ ye nye nzoo ne. Tie, so yeɛ ngokolikoli ye ahyerɛlɛ ne ngogua ɔ, Asafo AWURADE noa dwirɛ ɛne, na ngokyikyi aseɛ he amumuyɛɛ ne ngofi berɛ ɛlɛhomapɛ.

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Sakaria 6:5

Na abɔfo ne buale me kyɛ, “Ɛhemɔ ole nyameɛso sunzum nna ne, bɔ begyinagyina aseɛ amukoraa Mene ye nyunu berɛ beyie a befi berɛ bɛkɔ ne.

Yohane 1:1

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ.

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 2:9

Yɛfi Patia, Medese, ne Elam; Mesopotamia, Yudea, ne Kapadokia; Ponto ne Asia,

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

1 Korintofoɛ 1:3

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Korintofoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 16:5

Na ndele kyɛ nzue mɔ so abɔfo ne ɔkã kyɛ, “O Krongronniɛ, wɔ bɔ ɛwɔ berɛ, ná ɛwɔ berɛ fi tetetete ɔ, ɛtengyɛ, ofikyɛ sɔ yeɛ abua ndɛen ɔ.

Nyekyire 2:12

“Kyerɛ kɔma Pɛgamɔm asɔre ne anu abɔfo ne kyɛ, ‘Bɔ otira sɛpɔ nnaennaen ne, ye noa dwirɛ ɛhe:

Nyekyire 2:18

“Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe:

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”

Nyekyire 22:8

Na me, Yohane, yeɛ nwuni nningyein hemɔ, ná ndele ɔ. Na ndele ná nwuni ye nen, mmutuli berɛ wɔ abɔfo bɔ ohyirele me sɔ nningyein hemɔ ne ye gya bo kyɛ mesɔne ye.

Nyekyire 3:1

“Kyerɛ kɔma Sadise asɔre ne anu abɔfo ne kyɛ: Bɔ ole Nyameɛ Sunzum nzoo ne nzramaa nzoo ne, ye noa dwirɛ ɛhe: Mese wɔ nnwumaa; ale dumaa kyɛ ɛte ase, nakoso awu.

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.

Nyekyire 8:2

Na nwuni abɔfo nzoo bɔ begyigyi Nyameɛ nyunu ne, na bɛmane bɛ totorobɛndo nzoo.