Nyekyire 1:18 - AHYERƐLƐ KRONGRON

¹⁸ ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 1:18 Iomraidhean Croise

YOB NWOMAA NE 19:25

Ofikyɛ me de, mese kyɛ me Defoɛ ne ɔte ase, na ayieleɛ ne, okoli me dwirɛ kɔma me wɔ aseɛ ye aso.

YOB NWOMAA NE 38:17

Ɛborɔ atee pambim ne, aso ebie aye ahyire wɔ le? Anaa, ɛborɔ dɔ awosii kabii ye pambim ne, anwu ye le?

Edwein 18:46

AWURADE te ase! Me nyɔbotaen, meye wɔ ayɛ! Me ngoadefoɛ Nyameɛ, mekamvo wɔ!

Edwein 68:20

Yɛ Nyameɛ ne ɔte ngoalelɛ Nyameɛ, na Nyameɛ, bɔ ɔte AWURADE ne, ye yeɛ ɔpepɛ de sona fi ewue nu ɔ.

Yesaya 22:22

Ngɔfa Dawide awuro ama nzafoaa ne ngowura ye sa. Sɛ obukye a, ebiala ngɔto nu, yeɛ sɛ ɔto nu a, ebiala ngobukye.

Mateo 11:23

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu. Ofikyɛ, nnwumaa mbiri mbiri bɔ bɛyɔle bɛ wɔ wɔ nu ne, sɛ bɛyɔle bɛ wɔ Sodom a, ahaa ɔtɛwɔ berɛ maa waadwu ɛnɛ.

Mateo 16:19

Ngɔfa nyameɛso ahennie nzafoaa ngowura wɔ sa, na nikyee biala bɔ ɛkɔkyekye ye wɔ aseɛ so nen, bɛkɔkyekye ye wɔ nyameɛso; yeɛ nikyee biala bɔ ɛkɔsangye nu wɔ aseɛ so nen, bɛkɔsangye nu wɔ nyameɛso.”

Luka 24:5

Na ɛserɛ hane bɛ maa bɛfale bɛ nyunu bebutubutuli berɛ. Na mmienzua nemɔ bisale bɛ kyɛ, “Nzu ati yeɛ ɛmɔpena teasefoɛ wɔ awufoɛ nu ɔ?

Yohane 11:25

Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Romanfoɛ 6:9

Yɛse kyɛ batingye Kristo bafi awufoɛ nu, na ongowu ko le; ewue olle tumi wɔ ye so ko.

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Kolosefoɛ 3:3

Ofikyɛ ɛmɔawu, na bafa ɛmɔ ngoa ne Kristo basie Nyameɛ nu.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 7:16

Nna kuro sona abusua nu nhyehyɛleɛ ne ye mmeraa so yeɛ bɛfa bɛyele ye ɔ; na mmom ɔnate ngoa bɔ ye bo ngɔpɛ le tumi so yeɛ ɔyɛle sɔfo ɔ.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.

Nyekyire 20:14

Afei befindini Ewue ne Ɛborɔ beguale see abura ne anu. Ewue bɔ ɔtɔ so nyɔ ɛne.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Nyekyire 4:9

Na sɛ abɔdeɛ ateasefoɛ nemɔ bɛfa animnyam, anidie ne asennaa bɛma bɔ ɔte ahennie bia ne aso, bɔ ɔte ase afebɔɔ ne a,

Nyekyire 5:14

Na abɔdeɛ ateasefoɛ nna nemɔ sele kyɛ, “Amen.” Yeɛ mbanyi nemɔ bɛfale bɛ nyunu bebutubutuli berɛ bɛsɔnene [bɔ ɔte ase afebɔɔ ne].

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.

Nyekyire 9:1

Na abɔfo bɔ ɔtɔ so nnu ne huli ye totorobɛndo ne, na nwuni kyɛ nzramaa bie watu wafi nyameɛso waatɔ aseɛ so, na bɛfale aseɛ bo dɔ kumaa kuronguronn ne noa safoaa bɛmane ye.

1 Samuel 2:6

AWURADE yeɛ oku, ná osa ma ngoa ɔ; ye yeɛ ɔmaa bɛkɔ ɛborɔ, ná osa maa bedwɔso befi dɔ bɛba ɔ.