Nyekyire 1:17 - AHYERƐLƐ KRONGRON

¹⁷ Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

Nyekyire 1:17 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Edwein 139:5

Abɔ me nyunu ne me si nwo waen, na afa wɔ sa ato me so.

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Ɛksadɔso 20:20

Na Mose buale mmenia ne kyɛ, “Nnɛma ɛmɔsuro, ofikyɛ Nyameɛ awa kyɛ ɔbaaso ɛmɔ nea, amaa ɔnate so ye nwo suronyi atena ɛmɔ nu, ná ɛmɔanyɔ bɔne.”

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 48:12

“Yɛ asoɛ tie me, O Yakob ne Yisrael bɔ mafrɛ wɔ ɔ! Me ole Ye, me ole bɔ oli moa ne, yeɛ me ala koso ole ayieleɛ ne.

Awuye 3:57

Kyẽa bɔ nzu mvrɛle wɔ ne, ɛhwe pingyele me, na ɛhane kyɛ, ‘Nnesuro!’

Hesekiel 1:28

Na kyɛbɔ nyangondoen bɔ ɔwɔ munungum nu, wɔ kyẽa bɔ esue tɔ ɔ osi te ne, sɔ ala yeɛ ye nwo bɔ né wata hyireinn wabra wayia ne, ɔte ɔ. Ye sɛso ne, osoma AWURADE animnyam ne. Na nwuni ye ne, mvale me nyunu mmutuli berɛ, na ndele bɔ odwudwo ne komvi.

Daniel 10:12

Yeɛ osele me kyɛ, “Daniel, nnɛsuro, ofikyɛ ofi kyẽa bɔ ɛyɛle w’adwene kyɛ ɛkɔte ye bo, ná ɛbrɛle wɔ nwo ase wɔ wɔ Nyameɛ nyunu nen, wate wɔ sufrɛ ne, na wɔ sufrɛ ne ati yeɛ mawa ɔ.

Daniel 10:15

Na ɔhane sɔ dwirɛ ne hyirele me nen, mvale me nyunu mutuli berɛ, na ndɔle mumu.

Habakuku 3:16

Ndele nen, me kunu tele me; komviɛ ne mane me noa kekã bɔle so. M’aporɛ nu yɛle me hodwoo, na me nwo wosowosole me. Nakoso ngɔyɛ konn ngɔnwondɛ amaneɛnwunɛ kyẽa ne, kyɛ ɔkɔwa maen bɔ wafa koɛ waateta yɛ ne aso ɔ.

Mateo 14:27

Na berɛ ne ala, Yesu sele bɛ kyɛ, “Ɛ́mɔma ɛmɔ ahone tɔ ɛmɔ kunu, me ɔ; nnɛma ɛmɔsuro!”

Mateo 28:4

Na ye nwo suronyi ne ati, awɛmvoɛ nemɔ nwo wosowosole bɛ, na bɛbɔle fuin.

Mateo 28:5

Na abɔfo ne sele mmrasua ne kyɛ, “Nnɛma ɛmɔsuro! Na mese kyɛ ɛmɔpena Yesu bɔ bɛbɔle ye mmeamudua nu ne.

Yohane 13:23

Na asuafoɛ nemɔ anu ko bɔ Yesu kuro ye dwirɛ paa ne, né watena wakisa Yesu.

Yohane 21:20

Yeɛ Petro pɛle ye nye, na onwuni suaniɛ bɔ Yesu kuro ye dwirɛ paa ne kyɛ oli bɛ si. Sɔ suaniɛ ne yeɛ ɔtena kisale ye wɔ adidie ne abo, ná obisale kyɛ, “Awurade, nwa yeɛ ɔbaaye wɔ ma ne?”

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”