Nyekyire 1:15 - AHYERƐLƐ KRONGRON

¹⁵ ye gya nwo te kyɛ ayaa bɔ bahwi ye nwo nyemenenyemene ɔ, kyɛ bɔ bafa see bapɔ ye nwo ɔ, na ye komvi te kyɛ asue pee bɔ bɛsẽ wuruwuru ɔ.

Nyekyire 1:15 Iomraidhean Croise

Edwein 93:4

Anwuro Anwuro AWURADE ole anwoserɛ, ole anwoserɛ tra kyɛbɔ asue mbiri mbiri bebu bɛfa so ɔ, ole anwoserɛ tra ɛpo asorɔkye!

Yesaya 17:13

Maen maen mɔ bɛyɛ dede kyɛ asue mɔ bɔ bɛse wuruwuru ɔ, nakoso Nyameɛ twi bɛ nyunu, na bɛnwati bɛkɔ dede, ɔfoa bɛ kyɛ afafu bɔ mvrama bɔ ye fi bokaa so ɔ, kyɛ mvuture bɔ ɔpɛ ye nwo wɔ mvrama piri nu ɔ.

Hesekiel 1:24

Na bɛkɔ ne, ndele dede bɔ bɛ ndaa nemɔ yɔle ne, na né ɔte kyɛ asue mbiri bɔ bɛsẽ wuruwuru ɔ, kyɛ Tuminiɛ ne bɔ ɔbɔ nu kurudududu ɔ, kyɛ koɛhonɛfoɛ bɔ bɛbɔ ese ɔ. Na sɛ begyina a, né bahã bɛ ndaa ne ase.

Hesekiel 1:7

Né bɛ gya nemɔ tengyɛ fɔngɔnn, na bɛ gya kunu te kyɛ nandwie ba deɛ ne ala; na né bɛ nwo ta te kyɛ kɔɔbere bɔ bahwi ye nwo nahanaha ɔ.

Hesekiel 40:3

Na ɔfale me wale berɛ nen, yieee, né biaa bie wɔ berɛ bɔ ye sue te kyɛ kɔɔbere ɔ. Né ogyi anoa piri ne anu berɛ, né otira nyamabire ne elemmire bɔ bɛfa besusu nikye ɔ.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Daniel 10:6

Ye sonaluwaa ne, ɔte kyɛ nyɔboɛ bɔ bɛfrɛ ye bɛrile, ye nyunu te kyɛ agralaa, ye nye mmaa te kyɛ see bɔ ogye wuronyiwuronyi ɔ, ye sa ne ye gya nwo te kyɛ ayaa bɔ bahwi ye nwo ɔ, na odwudwo a ye komvi te kyɛ ɛlɔen komvi.

Nyekyire 10:1

Afei nwuni abɔfo foforɛ anwoserɛniɛ bie kyɛ ofi nyameɛso odwu ba ase; né wafa munungum wahera, nyangondoen wɔ ye ti so, ye nyunu te kyɛ eyia, na ye gya te kyɛ see bonima.

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 2:18

“Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe: