Nyekyire 1:13 - AHYERƐLƐ KRONGRON

¹³ na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.

Nyekyire 1:13 Iomraidhean Croise

Ɛksadɔso 39:5

Ye abɔsoɛ bɔ bali adwii bagua nu ne, nningyein komapɛ ne ala yeɛ bɛfa bɛyɔle ɔ: sikaa kɔkorɛ, bibire, koogyan, adaabene ne gyese, kyɛbɔ AWURADE hyɛle Mose nen.

Yesaya 11:5

Tenenee kɔyɛ abɔsoɛ bɔ ɔkɔfa kɔbɔ ye nu ɔ, yeɛ nahorɛlilɛ kɔyɛ abɔsoɛ kɔbɔ ye yaase.

Daniel 10:16

Na yieee, ebie bɔ ɔte kyɛ mmenia mmaa sɛso ɔ ɔfale ye sa hane me noa, na mmukyele me noa ndwudwole. Na nzele bɔ ogyi me nyunu berɛ ne kyɛ, “O me mene, nyekyire ne ama me nwo ngaka atu amini, na mabɔ fuin.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Lewitikɔso 8:7

Ɔfale ataadeɛ aguasoɛ ne wurale Aarɔn, ɔfale abɔsoɛ ne bɔle ye, ɔfale ataadeɛ tendenn ne wurale ye, ɔfale ɔsɔfo ataadeɛ ne wurale ye, na ɔfale ɔsɔfo ataadeɛ abɔsoɛ bɔ bali adwii bagua nu ne bɔle ye nu mane ataadeɛ ne anu miane.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 15:6

Na abɔfo nzoo nemɔ bɔ betiratira ɛhawo nzoo ne, befili asɔneyɛɛ sua ne anu befitele, bɔ né bewurawura nwera fufue hyɛnn, ná bafa sikaa kɔkorɛ abɔsoɛ babobɔ b’afia ɔ.

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe: