Nyekyire 1:10 - AHYERƐLƐ KRONGRON

¹⁰ Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,

Nyekyire 1:10 Iomraidhean Croise

Numeri 24:2

Balaam mane ye ti so, na onwuni kyɛ Yisraelfoɛ baboaboa bɛ noa mmusua kure mmusua kure. Na Nyameɛ Sunzum wale ye so,

Mateo 22:43

Yeɛ Yesu bisale bɛ kyɛ, “Na afei ɔwale ye sɛ bɔ Dawide nate Sunzum Krongron so frɛ ye me Mene ɔ, kyɛ,

Yohane 20:19

Na sɔ kyẽa ne ala nɔsoa, bɔ ɔte dapɛn ne anu kyẽa bɔ oli moa ne, Yudafoɛ nemɔ nwo suronyi ti, asuafoɛ nemɔ totole anoa nemɔ anu wɔ nekaa bɔ bɛboale bɛ noa ne, na Yesu wale oogyinane b’afia berɛ, na osele bɛ kyɛ, “Asomdwee hã ɛmɔ oo!”

Yohane 20:26

Na nziɛ ye, ye ɛlɛbɔtwɛ ne aso, né ye asuafoɛ nemɔ bɛwɔ awuro berɛ bieku, na né Tɔmase ɔboka bɛ so. Né batoto bɛ nwo anoa nu, nakoso Yesu wale oogyinane b’afia berɛ, na osele kyɛ, “Asomdwee hã ɛmɔ oo.”

Asomafoɛ 20:7

Kyẽa bɔ oli moa wɔ dapɛn ne anu ne, mmerɛ bɔ yɛyiale nu kyɛ yɛdidi ne, Pɔɔlo yɛle ngyerɛkyerɛ hyirele bɛ, na ɔtoale so alaa maa oodwuli abunnamu; ofikyɛ né aleɛ kye a, ɔkɔ.

1 Korintofoɛ 12:3

Yiti mepena kyɛ ɛmɔnwu ye kyɛ, ebiala bɔ Nyameɛ Sunzum fa ye so dwudwo ne ngora nga kyɛ, “Musue ha Yesu!” Yeɛ ebiala koso ngora nga kyɛ, “Yesu te Awurade,” sana Sunzum Krongron ne te ye nu.

1 Korintofoɛ 16:2

Dapɛn biala nu kyẽa bɔ oli moa ne, ɛmɔ nu biala ɔ́fa bɔ Nyameɛ afa alo ye ne bie osie, amaa sɛ meba a, ye nwo anhia kyɛ ɛmɔkɔkekã bɛ sa ase ɔ.

Nyekyire 17:3

Yiti ɔfale me wurale sunzum nu hɔle ɛserɛ so. Na nwuni braa bie bɔ ɔte kaka kɔkorɛ bie aso, bɔ musue dumaa mɔ wɔ ye nwo amukoraa, bɔ ole tire nzoo ne mmɛen buru ɔ.

Nyekyire 21:10

Na ɔfale me sunzum nu hɔle bokaa pirikua tendenn bie aso, na ohyirele me kuro krongron Yerusalem ne kyɛ ofi Nyameɛ berɛ wɔ nyameɛso odwu ba ɔ.