Nyekyire 1:1 - AHYERƐLƐ KRONGRON

¹ Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:1 Iomraidhean Croise

Edwein 25:14

AWURADE ne bɛ bɔ besuro ye ne yeɛ betu asure ɔ, na ɔye ye apam ne ali kyire bɛ.

Daniel 8:16

Na ndele sona komvi wɔ asue Yulae noa, kyɛ ɔtea nu kyɛ, “Gabriel, kyire biaa ne nyekyire ne abo.”

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Daniel 9:23

Ɛhyɛle wɔ sufrɛ ne abo nen, mmuayɛɛ bie fili nu wale, na mawa kyɛ mebaahã mekyire wɔ, ofikyɛ Nyameɛ kuro wɔ dwirɛ paa; yiti te edwirɛ ne abo, ná dwene nyekyire ne anwo.

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Yohane 12:49

Ofikyɛ nna me bɔbɔ me tumi so yeɛ mefa medwudwo ɔ; na mmom Baba ne bɔ ɔsomane me ne, ye yeɛ wafa bɔ nga ɔne kyɛbɔ nzi nga ye ɔ nwo ahyɛdeɛ wama me ɔ.

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 3:32

Odi bɔ wanwu ye ɔ ɔne bɔ wate ɔ nwo adanzeɛ, nakoso ebiala nne ye adanzeɛ ne ndo nu.

Yohane 8:26

Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Ɛfesofoɛ 3:3

kyɛbɔ ɔnate nyekyire so maa nwuni mvealeɛ nu dwirɛ ne, kyɛbɔ mahyerɛ ye nwo dwirɛ kãa dada ne.

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Nyekyire 1:19

Yiti kyerɛ bɔ anwu ye, bɔ ɔwɔ berɛ kekesaala ye, ɔne bɔ nziɛ ye ɔbaasi ne.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 17:1

Afei abɔfo nzoo bɔ betiratira kulie nzoo ne, bɛ nu ko wale me berɛ oosele me kyɛ, “Bra ma ngyire wɔ ndɛenbualɛ bɔ bafa babua adwamanbɔlɛniɛ pirikua bɔ ɔte nzue pee so ne ɔ.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

Nyekyire 21:2

Na nwuni kuro krongron ne, Yerusalem foforɛ ne, kyɛ ofi Nyameɛ berɛ wɔ nyameɛso odwu ba ɔ, bɔ basiesie ye kyɛ atɔmvorɛ braa bɔ basiesie ye nwo bama ohu ɔ.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”

Nyekyire 22:6

Na osele me kyɛ, “Edwirɛ hemɔ te turoloo ne nahorɛ. Na Awurade, ngɔmhyɛlɛfoɛ sunzum mɔ Nyameɛ ne, wasoma ye abɔfo kyɛ ɔɔye edwirɛ mɔ bɔ odi kyɛ bɛba nu ndɛndɛ ɔ ohyire ye ngoaa mɔ.”

Nyekyire 22:8

Na me, Yohane, yeɛ nwuni nningyein hemɔ, ná ndele ɔ. Na ndele ná nwuni ye nen, mmutuli berɛ wɔ abɔfo bɔ ohyirele me sɔ nningyein hemɔ ne ye gya bo kyɛ mesɔne ye.

Nyekyire 22:9

Na osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ ngɔmhyɛlɛfoɛ, yeɛ bɛ bɔ betira nwomaa he anu dwirɛ nu ne. Sɔne Nyameɛ!”

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”

Nyekyire 5:7

Oolele nwomaa bɔ babobɔ ne fili bɔ ɔte ahennie bia so ne sa famaa nu.