Nworɛ Dwirɛhanɛniɛ 9:9 - AHYERƐLƐ KRONGRON

⁹ Wɔ ngoa amukoraa bɔ ɔte mbaen bɔ Nyameɛ afa ama wɔ wɔ wiase ne, ɛne ɛye bɔ ekuro yeɛ ɔ ɛmɔtena anigye so, ofikyɛ ɛfɛɛ bɔ ɛfɛ wiase ne, wɔ bue nu deɛ bɔ anya ye hɔ ɛne.

Nworɛ Dwirɛhanɛniɛ 9:9 Iomraidhean Croise

Gyenesise 26:8

Na Yisake tenane berɛ hyɛle ne, ɛlɛho bie, Filisti hene Abimɛlɛke neane mboma nu, na onwuni kyɛ Yisake ne ɔye Rebɛka bedi aweweɛ ɔ.

Edwein 144:4

Sona te kyɛ nwomeɛ; ye ngyẽa te kyɛ wawoɛ bɔ ɔpɛ nu kɔ ɔ.

Edwein 39:5

Amba, ama me ngoa ayɛ tikaape bie, na m’afoɛ mɔ bɛtte huu wɔ wɔ nye so. Nahorɛ nu, kuro sona biala ye ngoa te kyɛ nwomeɛ mbaen. Sela

Anyandera 18:22

Bienzua bɔ okonya yeɛ ne, wanya nikye paa, na AWURADE alo ye.

Anyandera 19:14

Awuro ne anwonya te agyapadeɛ bɔ seɛ fa yakyi mma ɔ, nakoso braa badwemma de, ofi AWURADE berɛ.

Nworɛ Dwirɛhanɛniɛ 2:10

Nikyee biala bɔ ɔyɛle me nye so nyemene ne, mva mɔle me nye akɔhoma. Nikyee bɔ ɔma me anigye ne, mandwe me nwo mamvi ye nwo, ofikyɛ me ɛfɛɛ adwuma mukoraa, nyane anigye mvili nu, na ɛhe te me fɛɛ amukoraa nwo akatuaa.

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 3:13

Asa koso, sɛ sona biala didi, ɔno, ná ɔfa bɔ wafɛ wanya ye ɔ ɔgye ye nye a, né Nyameɛ akyɛdeɛ ɛne.

Nworɛ Dwirɛhanɛniɛ 3:22

Yiti nwuni kyɛ, nikye paa biala nne berɛ ndra kyɛ sona kɔfa bɔ wafɛ wanya ye ɔ ɔkɔgye ye nye ɔ; ofikyɛ ye bue nu deɛ ɛne. Ofi wa kɔ a, nwa yeɛ ɔkɔhora kɔɔfa ye kɔwa maa ɔkɔnea bɔ okosi ye si ɔ?

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 7:15

M’asetena mbaen ye anu, manwu nikyee biala: Teneneeniɛ bɔ owu wɔ ye tenenee nu, yeɛ bɔnefoɛ koso bɔ onya ngoa tendenn wɔ ye bɔne nu ɔ.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.