Nworɛ Dwirɛhanɛniɛ 9:8 - AHYERƐLƐ KRONGRON

⁸ Mmerɛ biala, wura anigye ataadeɛ, yeɛ nnɛma sakyeɛfona pa wɔ ti so.

Nworɛ Dwirɛhanɛniɛ 9:8 Iomraidhean Croise

2 Samuel 14:2

Yiti Yoabo somane maa bɛhɔle Tekoa bɛɛfale braa nworɛniɛ bie befili dɔ bɛwale. Na osele braa ne kyɛ, “Yɛ wɔ nwo kyɛ ɛwɔ ɛsɛen nu, kera ɛsɛen tena, nnɛpopa. Yɛ wɔ nwo kyɛ brasua bɔ ye nwoniɛ awu maa watena ɛsɛen nu wahyɛ ɔ.

2 Samuel 19:24

Sɔɔlo anomaa Mefibosɛte hɔle ooyiale Nana Dawide. Né wayakyi ye gya boen maa wafu, wama ye kanza afu funyaenn, na ye ndaadeɛ koso né ɔppole, fite kyẽa bɔ Nana Dawide fili Yerusalem maa oodwuli kyẽa bɔ osa wale asomdwee nu ɔ.

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Edwein 23:5

Ɛto me poen wɔ me pɔfoɛ mɔ nyunu; ɛfa ngoo popa me ti so; me kulie yi bu fa so.

Daniel 10:3

Manni aleɛ fɛɛ biala, naen anaa nzaa biala anga me noa, yeɛ mambopa toonn dapɛn nza mumua.

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Mateo 6:17

Na wɔ de, sɛ ɛyɛ akɔngyere a, toli wɔ ti anu, ná nwunzi wɔ nyunu,

Luka 7:46

Amva olive ngoo ambopa me ti so, nakoso ye de, wafa sakyeɛfona wapopa me gya bo.

Nyekyire 16:15

(“Tie! Méba kyɛ awueniɛ. Na sona bɔ ɔwɛne ná ɔnea ye ndaadeɛ so, ná wamva ye nwo wando so wannate ma bannwu ye nwo ne, onya saleɛ.”)

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.

Rutu 3:3

Yiti bia ná popa. Wura w’ataadeɛ bɔ ɔyɛ nyemene paa ná kɔ nekaa bɔ bɛboro ayuo ne. Nakoso nnɛye wɔ nwo ali kyire biaa ne kɔpem kyɛ okodidi ná ɔkɔno nzaa koyie ɔ.