Nworɛ Dwirɛhanɛniɛ 9:7 - AHYERƐLƐ KRONGRON

⁷ Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Nworɛ Dwirɛhanɛniɛ 9:7 Iomraidhean Croise

Gyenesise 12:19

Nzu ati yeɛ ɛhane kyɛ ‘Nniɛma ɔ,’ bɔ ahaa ɛmaa mefa ye meyɛ me ye ɔ? Nea, ɛye ne ɛhe. Fa ye na ɛne ye befi wa bɛhɔ!”

1 Ahemvo 8:66

Ye ɛlɛbɔtwɛ ne aso, Solomon tuli mmenia ne apo maa ebiala hɔle. Bɛlale Solomon ase, na ebiala hɔle ye awuro. Bele anigye ne aworakyekyerɛ yeɛ bɛhɔle ɔ, ɔnate paa bɔ AWURADE ayɔ ama ye akoaa Dawide ɔne ye maen Yisrael ne ati.

Nworɛ Dwirɛhanɛniɛ 10:19

Ɛpoentolɛ ma sona sere, nzaa ma sona nye gye, na sikaa yeɛ ɔyɔ nikyee biala ɔ.

Nworɛ Dwirɛhanɛniɛ 11:8

Yiti sɛ sona di afoɛ pee a, odi kyɛ ɔma ye nye gye wɔ ye mukoraa nu. Nakoso odi kyɛ osa kaye kyɛ, awosii ngyẽa bɔ bɛbaawa ne, ɔsone pee. Bɔ ɔkɔwa ne amukoraa te mbaen.

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Nworɛ Dwirɛhanɛniɛ 7:14

Mmerɛ bɔ okoyie wɔ yé ne, ma wɔ nye gye, nakoso sɛ mmerɛ tɛɛ to wɔ a, fa kɔ adwenedwene nu. Nyameɛ bɔ ɔmane sɔ tebea ne wale ne, ye ala yeɛ wama ɛhe koso wawa ɔ, amaa ɔnate so kuro sona wannwu nikyee biala bɔ okosi wɔ ye si ɔ.

Nworɛ Dwirɛhanɛniɛ 8:15

Yiti me de, menwu ye kyɛ anigye te paa, ofikyɛ nikye paa biala nne berɛ mma sona wɔ wiase ndra kyɛ okodidi, ɔkɔno, ná ɔkɔgye ye nye ɔ. Ye ngoa bɔ Nyameɛ afa ama ye wɔ wiase ne, ɛfɛɛ bɔ ɔfɛ wɔ nu ne, bɔ odi kyɛ ɔfa bata ye nwo hɔ ɛne.

Numeri 6:20

Odi kyɛ ɔsɔfo ne pagya nningyein nemɔ aso bɔ ɛnwahanɛ afɔleɛ wɔ AWURADE nyunu; bɛ ne ye sa bɔ bɛnwaha ne, ɔne ye gya bɔ bɛfa bɛbɔ afɔleɛ ne, bɛte krongron, ná ɔsɔfo bue deɛ ɛne. Ye si ye, nasiriteniɛ ne le ye nwo ate kyɛ ɔno nzaa ɔ.

Marko 7:29

Na Yesu sele ye kyɛ, “Ɔnate edwirɛ he bɔ ahã ne ati, kɔ, na sunzummɔne ne watu wafi ɛwa brasua ne anu.”

Luka 11:41

Odi kyɛ ɛmɔfa bɔ ɔwɔ nu ne bɛyɛ adɔeɛ, na tie, nikyee biala nwo kɔte kɔma ɛmɔ.

Yohane 4:50

Na Yesu sele ye kyɛ, “Kɔ, ɛwa ne ate apɔ!” Na biaa ne lele Yesu dwirɛ bɔ ɔhã hyirele ye ne lili, na ɔhɔle.

Asomafoɛ 10:35

na mmom maen biala nu, ebiala bɔ osuro ye, ná ɔyɔ bɔ ɔtengyɛ ne, ode ye to nu.

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

Deuteronomi 12:7

Ɛmɔ ne ɛmɔ awuro ama bekodidi berɛ wɔ AWURADE ɛmɔ Nyameɛ nyunu, na ɔnate ɛmɔ adwuma mukoraati bɔ AWURADE ɛmɔ Nyameɛ wayira ɛmɔ ye nwo ne ati, ɛmɔkoli ahurusi.

Rutu 3:7

Boase didili ná ɔnone nzaa yiele bɔ ye nye agye ne, ɔɔlale atokoɔ kure ne anwo. Yeɛ Rutu yɛle kudɛɛ ɔɔyele Boase gya nwo tena ne, na ɔlale berɛ.