Nworɛ Dwirɛhanɛniɛ 9:4 - AHYERƐLƐ KRONGRON

⁴ Nakoso sona biala bɔ ɔboka ateasefoɛ so ne, anyelasoɛ wɔ berɛ ma ye, ofikyɛ kyea bɔ ɔte ngoa nu ne, ɔte paa tra gyata bɔ wawu ɔ.

Nworɛ Dwirɛhanɛniɛ 9:4 Iomraidhean Croise

YOB NWOMAA NE 27:8

Sona bɔ ɔnze Nyameɛ ne, sɛ Nyameɛ pɛ ye ngoa so a, sɛ ode ye ngoa fi ye sa nu a, ye anyelasoɛ wɔ ni?

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Nworɛ Dwirɛhanɛniɛ 9:5

Ofikyɛ ateasefoɛ bɛse kyɛ bekowu, nakoso awufoɛ de, bɛnze huu; belle akatuaa biala ko, na bɛ nwo ngayeɛ atu amini.

Yesaya 38:18

Ɔnate kyɛ ɛborɔ ngɔhora ngɔla wɔ ase, ewue ngɔhora ngɔye wɔ ayɛ, bɛ bɔ bahɔ ewue kumaa nu ne, bɛngɔhora bengonya wɔ nahorɛlilɛ ne nwo anyelasoɛ.