Nworɛ Dwirɛhanɛniɛ 9:11 - AHYERƐLƐ KRONGRON

¹¹ Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Nworɛ Dwirɛhanɛniɛ 9:11 Iomraidhean Croise

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

2 Samuel 17:23

Na Ahitofel nwuni kyɛ bamva ye foɛ bɔ watu nen, ɔfale ye nningyein tale ye afunum si, na osili nu hɔle ye awuro wɔ ye kuro. Ɔtotole ye si yé, na afei ɔɔbɔle ye kɔme. Owuli, na besiele ye wɔ ye baba asieleɛ nu.

2 Aberɛso Dwirɛ 20:15

Ɔhane kyɛ, “Yudafoɛ amukoraa, Yerusalemfoɛ ne Nana Yehosafate, ɛ́mɔtie. AWURADE nwa nyoo, ‘Sɔ ɛlɔen piri he, nnɛma ɛmɔsuro bɛ, yeɛ nnɛmɔma ɛmɔ kunu tete ɛmɔ wɔ bɛ nwo; ofikyɛ koɛ ne ɔtte ɛmɔ koɛ, na mmom ɔte Nyameɛ koɛ.

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

Edwein 76:5

Bale ahoneserɛfoɛ nemɔ bɛ sa nu koɛ nzesadeɛ; batotɔ, na koɛhonɛfoɛ nemɔ, bɛ nu biala wangora wango.

Anyandera 1:5

Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Nworɛ Dwirɛhanɛniɛ 2:12

Yiti nhyɛle ye bo ndwenene nworɛ, ɛlaenbɔlɛ ne ngwaseasɛm nwo, ofikyɛ bɔ okoli me bia koli hene ne, nzikyɛ bieku yeɛ ɔkɔhora kɔyɔ ɔ? Sana bɔ bali moa bayɔ ne ala.

Nworɛ Dwirɛhanɛniɛ 3:14

Mese kyɛ nikyee biala bɔ Nyameɛ yɔ ne, ɔkɔtena berɛ daa. Ɛngɔhora ngɔfa bie ngɔboka so, yeɛ ɛngɔhora ngɔye bie ngofi nu. Nyameɛ yɔ ye sɔ, amaa ɔnate so sona biala asuro ye.

Nworɛ Dwirɛhanɛniɛ 3:17

Na ngane ye me ti anu kyɛ, “Nyameɛ kobua teneneefoɛ ne bɔnefoɛ ndɛen, ofikyɛ wahyehyɛ mmerɛ wato berɛ wama edwirɛ biala ne adwuma biala.”

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 7:13

Bɔ Nyameɛ ayɔ ne, fa kɔ adwenedwene nu: Nikyee bɔ wakondo nu ne, nwa yeɛ ɔkɔhora ye tengyɛ ɔ?

Nworɛ Dwirɛhanɛniɛ 9:2

ofikyɛ ayieleɛ komapɛ ne ala yeɛ ɔla berɛ ma bɛ mukoraa ɔ: teneneeniɛ ne bɔnefoɛ, sona paa ne sona bɔ ɔtte mayee ɔ, sona bɔ ye nwo te ne bɔ ye nwo nde ɔ, bɔ ɔbɔ afɔleɛ ne bɔ ɔmmɔ afɔleɛ ɔ. Sona paa ne amumuyɛɛniɛ b’ayieleɛ te ko, yeɛ bɔ ɔta ndaen ne bɔ osuro ndaentalɛ koso b’ayieleɛ te ko.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yeremia 46:6

Bɛ bɔ bɛ nwo yɛ nyera ne, bɛngɔhora bɛngɔnwati bɛngɔhɔ, yeɛ koɛhonɛniɛ ngonya ye ti ngodidi nu. Bekosoti, ná bafifi ase wɔ sorɔ dɔ, wɔ asue Yufreti noa.

Yeremia 48:14

“Ɔyɛ sɛɛ bɔ ɛmɔkekã kyɛ, ‘Yɛte katakyiefoɛ ne koɛhonɛfoɛ ahoneserɛfoɛ’ ɔ?

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Deuteronomi 8:17

Nnɛyɛ w’adwene kyɛ, ‘Ɔnate m’anwoserɛ ne m’abasa nu serɛ so yeɛ manya me nwo ɔ.’

Deuteronomi 8:18

Na mmom kaye AWURADE wɔ Nyameɛ, ofikyɛ ye yeɛ ɔma wɔ anwoserɛ maa ɛfa nya wɔ nwo ɔ, kyɛbɔ kekesaala ye ɔwɔ so ɔyɔ ye; amaa ɔnate so apam bɔ ɔtale ye nwo ndaen hyirele wɔ nana mɔ ne, wasi ye agyinayɛɛ.

1 Samuel 17:50

Yiti taya ɔne nyɔboɛ yeɛ Dawide fa lili Filistiniɛ ne so ngonim ɔ. Ɔto bɔle Filistiniɛ ne huni ye. Né Dawide de ottira ngrandɛ biala.

1 Samuel 6:9

Afei ɛ́mɔfa ɛmɔ nye beli ye si. Sɛ ɔfa atee ne aso ɔkɔ Bete Semese ɔkɔ ye bɔbɔ ye maen nu a, ye de AWURADE yeɛ wafa amaneɛ piri he wato yɛ so ɔ. Nakoso sɛ wangɔ dɔ a, ye de yɛkonwu ye kyɛ nna AWURADE yeɛ wafa amaneɛ piri he wato yɛ so ɔ, na mmom asane bie mbaen yeɛ wato yɛ ɔ.”