Nworɛ Dwirɛhanɛniɛ 9:10 - AHYERƐLƐ KRONGRON

¹⁰ Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Nworɛ Dwirɛhanɛniɛ 9:10 Iomraidhean Croise

Gyenesise 37:35

Na ye mma mmienzua mukoraa ne ye mma mmrasua mukoraa bɔle mmɔden kyɛ bɛkɔkyekye ye wora, nakoso wambene. Yakob sele kyɛ, “Méfa aworabɔlɛ mépo mma ne wɔ ɛborɔ.” Na ye baba suni ye paa.

1 Aberɛso Dwirɛ 22:19

Yiti ɛ́mɔfa besie ɛmɔ nye so kyɛ ɛmɔkɔfa ɛmɔ adwene ne ɛmɔ ahone bekoli AWURADE ɛmɔ Nyameɛ si ɔ. Ɛmɔɔsi AWURADE Nyameɛ nekaa krongron ne, amaa ɔnate so ɛmɔafa AWURADE apam alaka ne, ɔne Nyameɛ nningyein krongron ne, basie awuro bɔ ɛmɔkosi bɛkɔfa AWURADE dumaa bɛkoto so ne anu.”

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

Nehemia 2:12

Ɛhe asi ye, ndwɔsole kɔngɔen. Né mmenia kãa bie yeɛ bɛboka me so ɔ. Na nikyee bɔ Nyameɛ akanyane me kyɛ nyɔ ma Yerusalem ne, mangã mangyire ebiala. Né kaka biala ɔbboka me so, sana kaka bɔ nde ye so ne ala.

Nehemia 4:2

na ɔhane wɔ ye mmango nemɔ ɔne Samaria koɛhonɛfoɛ nemɔ anyunu kyɛ, “Yudafoɛ bɔ bɛ nwo anwumvoin hemɔ, nzikyɛ yeɛ bɛyɔ ye? Aso bekosa bɛkɔtoto nningyein ye anaa? Aso bɛkɔbɔ afɔleɛ anaa? Aso bekoyie adwuma ye ɛlɛho? Nyɔboɛ bɔ wadwiri wagua wahonhɔn wahɔ anwuro bɔ see ayera ye ye, aso bekonya nyɔboɛ bekofi nu?”

Nehemia 4:6

Yiti yɛsili fasue ne, na yɛtoatoale ye mukoraa so maa ɔhã sili, na kyɛbɔ odi kyɛ ɔkɔ anwuro ne, yɛsili maa odwuli ye afia, ofikyɛ mmenia ne yele bɛ kunu bɛyɔle adwuma ne.

YOB NWOMAA NE 10:21

koraka né mahɔ nekaa bɔ mengosa ngɔwa ko ɔ, koraka né mahɔ awosii tunn ne awosii kabii maen ne anu,

YOB NWOMAA NE 10:22

awosii tunn ne basabasa maen ne, bɔ berɛ kanea te kyɛ awosii ne.”

YOB NWOMAA NE 21:13

Amumuyɛɛfoɛ di bɛ mmerɛ wɔ anwonya nu, na afei, bɛkɔ ɛborɔ.

Edwein 6:5

Ofikyɛ sona wu a, ɔngora ngaye wɔ; nwa yeɛ ɔkɔhora kɔye wɔ ayɛ wɔ ɛborɔ ɔ?

Anyandera 3:28

Nnɛkã kyire ebiɛngo kyɛ, “Kɔ bra, na ngɔfa ngɔma wɔ ɛhema,” wɔ aberɛ bɔ ele nikyee ne bie wɔ berɛ ɔ.

Nworɛ Dwirɛhanɛniɛ 11:3

Sɛ esue yi munungum nu tɛkyɛ a, ɔtɔ gua aseɛ so; sɛ bakaa bu tɔ ngwaen anaa sorɔ a, nekaa bɔ bakaa ne tɔle ne, berɛ ala yeɛ ɔkɔla ɔ.

Nworɛ Dwirɛhanɛniɛ 11:6

Dua wɔ fieso nningyein ngyerɛmɔ, yeɛ nnɛte wɔ sa fi ye lualɛ nwo nɔsoa, ofikyɛ ɛnze bɛ nu horɛ bɔ ɔkɔyɛ paa ɔ; kyɛ ɛhe anaa ɛhene, anaakyɛ bɛ munyɔ bɛkɔyɛ paa ɔ.

Yesaya 38:10

Mmerɛ bɔ me ngoa hale kaaba bie ne, ngane kyɛ: Mebaafi wa, mebaahɔ ɛborɔ dɔ pambim ne anu, m’afoɛ bɔ waha ne, béde béfi me sa nu.

Yeremia 29:13

Ɛmɔkɔpena me si atee, na ɛmɔkonwu me, ofikyɛ ɛmɔkɔfa ɛmɔ ahone amukoraa bɛkɔpena me si atee.

Numeri 13:30

Nakoso Kalebo tuli mmenia ne noa dwirɛ guale wɔ Mose nyunu, na ɔhane kyɛ, Ɛ́mɔma yɛhã yɛ nwo yɛhɔ kekesaala ye yɛɛfa aseɛ ne, ofikyɛ yɛkɔhora yɛkɔho yɛkɔfa.”

Mateo 20:7

Bebuale ye kyɛ, ‘Ofikyɛ ebiala ɔbbɔle yɛ paa’. Yeɛ osele bɛ kyɛ, ‘Ɛmɔ koso, ɛmɔhɔ me bobe boo ne anu bɛɛyɔ adwuma’.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

1 Korintofoɛ 16:10

Sɛ Timoteo ba a, ɛ́mɔnea kyɛ ɔnne ɛmɔ ngɔtena wɔ ahunudetelɛ nu ɔ, ɔnate kyɛ ɔyɔ Awurade adwuma kyɛbɔ meyɔ ne ala.

1 Korintofoɛ 9:24

Ɛmɔnze kyɛ amirikatulɛfoɛ betu amirika a, ebiala pere kyɛ okoli ngonim ɔ, nakoso bɛ nu ko yeɛ onya ngonim abasobɔdeɛ ne ɔ? Yiti ɔsɛ kyɛ ɛmɔtu amirika ne kyɛ ɛmɔkonya abasobɔdeɛ ne ɔ.

1 Korintofoɛ 9:26

Yiti me de, mendu amirika asunzumabo, yeɛ mendo me twɔleɛ kyɛ ebie bɔ ɔto ye deɛ gua mvrama nu ɔ.

Ɛfesofoɛ 5:16

Ɛ́mɔnea ɛmɔ mmerɛ so yé, ofikyɛ ngyẽa ne te ngyẽa tɛɛ.

Kolosefoɛ 3:23

Na adwuma biala bɔ ɛmɔyɔ ne, ɛ́mɔfi ɛmɔ ahone nu bɛ́yɔ ye kyɛ ɛmɔyɔ bɛma Awurade, na nna kuro sona.

1 Samuel 10:7

Na sɛ sɔ nningyein hemɔ ba nu ma wɔ a, yɔ nikyee biala bɔ ekuro ɔ, ofikyɛ Nyameɛ gyi wɔ si.