Nworɛ Dwirɛhanɛniɛ 9:1 - AHYERƐLƐ KRONGRON

¹ Ɛhe amukoraa, madwene ye nwo, mapɛnzɛpɛnzɛ ye mukoraa nu manea, na manwu ye kyɛ, teneneefoɛ ne nworɛfoɛ, yeɛ afei bɔ bɛyɔ ne, owura Nyameɛ sa nu: kyɛ ɔdɔ oo, kyɛ ɛpɔen oo, sona biala nze bɔ ɔkɔto ye ɔ;

Nworɛ Dwirɛhanɛniɛ 9:1 Iomraidhean Croise

YOB NWOMAA NE 12:10

Abɔdeɛ biala bɔ ole ngoa ne, ye sa nu yeɛ ye ngoa wura ɔ, yeɛ ye sa nu yeɛ sona biala ye nwomeɛ wura ɔ.

YOB NWOMAA NE 27:12

Na ɛmɔ amukoraa, sɛ ɛmɔ bɔbɔ ɛmɔanwu ye a, nzu ati yeɛ ɛmɔkekã sɔ dwirɛ mbaen mbaen he ɔ?

YOB NWOMAA NE 5:8

“Sɛ me ahɔ a, ahaa ngɔpena Nyameɛ si atee, na Nyameɛ yeɛ ngɔfa me dwirɛ ngowura ye sa ɔ.

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 119:109

Ahaa me kra kora yɔ bɔ okuro ɔ daa, nakoso memma me wora mvi wɔ mmeraa ne.

Edwein 31:5

Wɔ sa nu yeɛ mefa me sunzum mewura ɔ; ao AWURADE, nahorɛniɛ Nyameɛ, apepɛ ale me.

Edwein 73:3

Ofikyɛ me nye borole mmeraatolɛfoɛ, mmerɛ bɔ nwuni bɔnefoɛ bɛ ngɔsoɛ ne.

Anyandera 16:3

Fa w’adwuma wura AWURADE sa, na wɔ nhyehyɛleɛ koli mu.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 10:14

Kwaseaa dwudwo pee bɔ ye noa mbe ɔ, nakoso sona nze bɔ ɔbaasi ɔ, bɔ kyẽa bie okosi wɔ ye si ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 7:15

M’asetena mbaen ye anu, manwu nikyee biala: Teneneeniɛ bɔ owu wɔ ye tenenee nu, yeɛ bɔnefoɛ koso bɔ onya ngoa tendenn wɔ ye bɔne nu ɔ.

Nworɛ Dwirɛhanɛniɛ 7:25

Mvale m’adwene nziele so kyɛ ngonwu nworɛ, ɔne kyɛ ngɔfeefee nu ngɔpena nworɛ ne nningyein bɛ bo telɛ ɔ, ɔne kyɛ ngonwu amumuyɛɛ kyɛ ɔte ngwaseasɛm, ná ngonwu ngwaseasɛm kyɛ ɔte ɛlaenbɔlɛ ɔ.

Nworɛ Dwirɛhanɛniɛ 8:14

Nikyee mbaen bie ɔkɔ so wɔ aseɛ so. Edwirɛ bɔ ɔfata bɔnefoɛ ne yeɛ bɛfa bedi teneneefoɛ ɔ; yeɛ bɔ ɔfata teneneefoɛ ne yeɛ bɛfa bedi bɔnefoɛ ɔ. Na ngane kyɛ, ɛhe koso te mbaen.

Nworɛ Dwirɛhanɛniɛ 8:16

Yiti mva nziele me nye so kyɛ ngɔpena nworɛ si atee, ɔne kyɛ ngonwu ɛfɛɛ adwuma bɔ ɔkɔ so wɔ aseɛ so ɔ, kyɛbɔ sona onnya nnaa nna eyia ne kɔngɔen ne;

Nworɛ Dwirɛhanɛniɛ 8:7

Ɔnze edwirɛ bɔ okosi ɔ, ofikyɛ atee bɔ ɔkɔfa so kosi ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 9:6

Ɔdɔ bɔ benyane ye oo, ɛpɔen bɔ bɛpɔle oo, b’anyeboro oo, watu wamini dadadada, na nikyee biala bɔ ɔkɔ so wɔ wiase ne, belle kyɛfa biala wɔ nu ko.

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yeremia 43:6

mmienzua, mmrasua, ngwadaa, ɛhene mma mmrasua, yeɛ sona biala bɔ awɛmvoɛ nemɔ aso safohene Nebusaradan yakyili ye berɛ fa wurale Safan awa Ahikam awa Gedalia sa ne, yeɛ afei ngɔmhyɛlɛniɛ Yeremia ne Neria awa Baruku,

Deuteronomi 33:3

Yoo, ohurole ye mmenia dwirɛ, ye anwoteefoɛ amukoraati bewura ye sa; bebutubutu wɔ wɔ gya bo, na bedi wɔ dwirɛ so.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.