Nworɛ Dwirɛhanɛniɛ 8:5 - AHYERƐLƐ KRONGRON

⁵ Sona biala bɔ odi mmeraa so ne, edwirɛ ndo ye, amba, nworɛniɛ adwene ɔse mmerɛ ne ne ndɛenbualɛ ne.

Nworɛ Dwirɛhanɛniɛ 8:5 Iomraidhean Croise

1 Aberɛso Dwirɛ 12:32

Yisakafoɛ ne, bele mbanyi ɛyaa nyɔ bɔ bɛnea bɛ mmusuafoɛ so ɔ. Sɔ mbanyi nemɔ, bɛ yeɛ bɛte nningyein bɔ ɔkɔ so ne abo, na afei bɛse bɔ ɔsɛ kyɛ Yisrael bɛyɔ ɔ.

Edwein 119:6

Ɔba ye sɔ a, me nyunu ngogua ase, ofikyɛ me nye wɔ wɔ mmeraa dwirɛ ne amukoraa so.

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Anyandera 12:21

Musue biala ndo teneneeniɛ, nakoso bɔnefoɛ de, wafa amaneɛ wasĩ.

Anyandera 17:24

Badwemma sona fa nworɛ sie ye nye so, nakoso kwaseaa de, ye adwene la nekaa bie dededede.

Nworɛ Dwirɛhanɛniɛ 10:2

Nworɛniɛ adwene maa ɔyɔ bɔ ɔte paa ɔ, nakoso kwaseaa adwene de, ɔmaa ɔyɔ bɔ ɔtte mayee ɔ.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 8:2

Menwa, yɛ sotie ma ɛhene n’ahyɛdeɛ, ofikyɛ ata ndaen ahyire Nyameɛ, [na nnɛmaa ɔha wɔ].

Hosea 5:11

Bɛhyɛ Efraim so, babua ye fɔ wɔ ndɛenbualɛ nu, ofikyɛ ɔhyɛle da lili mmeraa mbaen mbaen si.

Luka 20:25

Na osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

Hebrifoɛ 5:14

Nakoso bɛ bɔ banyi (sunzum nu) ne de, aleɛ bɔ nu yɛ no yeɛ ɔfata bɛ ɔ, ofikyɛ basua banwu ye, na bɛkora benwu nzonzoleɛ bɔ ɔwɔ paa ne tɛɛ nu ɔ.