Nworɛ Dwirɛhanɛniɛ 8:17 - AHYERƐLƐ KRONGRON

¹⁷ na nwuni Nyameɛ adwuma bɔ ɔyɔ amukoraa, kyɛ sona biala ngɔte bɔ ɔkɔ so wɔ wiase ɔ bo. Sona kɔfɛ ye nwo kyɛ ɔkɔfeefee nu, nakoso ɔngɔte ye bo. Nworɛfoɛ nwa nzɛ bɛse, nakoso bɛngɔhora bengonwu ye.

Nworɛ Dwirɛhanɛniɛ 8:17 Iomraidhean Croise

YOB NWOMAA NE 5:9

Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Edwein 40:5

Ao AWURADE me Nyameɛ, w’anwanwadeɛ bɔ ayɔ ne, ɔne adwene bɔ ele ye ma yɛ ne, bɛsone paa; ebiala ngɔhora ngɔfa ye nwo ngɔtoto wɔ nwo. Sɛ mekã kyɛ meka ná mebɔ ye nwo dawure a, ɔsone bɔ mengɔhora ye ka ɔ.

Edwein 73:16

Nakoso nyɛle m’adwene kyɛ mepena kyɛ mete sɔ nikyee ne abo ne, nwuni kyɛ ɔte adwuma bɔ ɔyɛ se paa ɔ,

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 11:5

Kyɛbɔ ɛnze mvrama atee, anaa kyɛbɔ mmowue si nyi wɔ pemvoɛ kunu ne, sɔ ala yeɛ Nyameɛ bɔ ɔyɔ nikyee biala ne, ɛnze atee bɔ ɔpe so yɔ ye adwuma ɔ.

Nworɛ Dwirɛhanɛniɛ 3:11

Wayɔ nikyee biala nyemenenyemene wɔ ye mmerɛ nu. Wafa mmerɛ bɔ olle ayieleɛ nwo adwene wawura kuro sona adwene nu, nakoso sona ngora nnwu bɔ Nyameɛ ayɔ ɔ, ofi ye bohyɛlɛ bɔ ɔkwaadwu ayieleɛ ɔ.

Nworɛ Dwirɛhanɛniɛ 7:13

Bɔ Nyameɛ ayɔ ne, fa kɔ adwenedwene nu: Nikyee bɔ wakondo nu ne, nwa yeɛ ɔkɔhora ye tengyɛ ɔ?

Yesaya 40:28

Aso ɛnze? Aso ɛttele? AWURADE te Ɛdangama Nyameɛ, bɔ ɔbɔle aseɛ fi ye ti kɔkã ye ti ɔ. Ɔmvɛ, yeɛ ye nwo nyɛ ye bɛtɛɛ, na ye nworɛ bo sona ndeaseɛ so.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?