Nworɛ Dwirɛhanɛniɛ 8:13 - AHYERƐLƐ KRONGRON

¹³ Bɔnefoɛ de, ongoyie ye yé, yeɛ ye ngoa bɔ ɔte kyɛ wawoɛ ne, ɔngɔyɛ tendenn, ɔnate kyɛ onzuro Nyameɛ.

Nworɛ Dwirɛhanɛniɛ 8:13 Iomraidhean Croise

YOB NWOMAA NE 14:2

Opukye kyɛ bakaa nyerɛen, na ɔkese, ɔpɛ nu kɔ kyɛ wawoɛ, na ɔngyɛ né watu wamini.

YOB NWOMAA NE 18:5

“Nahorɛ nu, amumuyɛɛniɛ kanea nua, na ye see te mosonomosono.

YOB NWOMAA NE 20:5

kyɛ bɔnefoɛ ngɔsoɛ ɔndena berɛ ngyɛ, ɔne kyɛ sona bɔ ɔnze Nyameɛ ne, ye anigye te tikaape bie ɔ?

YOB NWOMAA NE 21:30

kyɛ kyẽa bɔ asane kosi ne, amumuyɛɛniɛ onya ye ti didi nu ɔ, kyɛ ɛyaafɛlɛ kyẽa ne, bɛpepɛ bede ye ɔ?

Edwein 11:5

AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 144:4

Sona te kyɛ nwomeɛ; ye ngyẽa te kyɛ wawoɛ bɔ ɔpɛ nu kɔ ɔ.

Edwein 37:1

Nnɛma bɔnefoɛ bɛ nwo adwenedwene tɔ wɔ so, yeɛ nnɛma wɔ nye boro amumuyɛɛfoɛ,

Edwein 39:5

Amba, ama me ngoa ayɛ tikaape bie, na m’afoɛ mɔ bɛtte huu wɔ wɔ nye so. Nahorɛ nu, kuro sona biala ye ngoa te kyɛ nwomeɛ mbaen. Sela

Edwein 55:23

Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.

Nworɛ Dwirɛhanɛniɛ 3:14

Mese kyɛ nikyee biala bɔ Nyameɛ yɔ ne, ɔkɔtena berɛ daa. Ɛngɔhora ngɔfa bie ngɔboka so, yeɛ ɛngɔhora ngɔye bie ngofi nu. Nyameɛ yɔ ye sɔ, amaa ɔnate so sona biala asuro ye.

Nworɛ Dwirɛhanɛniɛ 5:7

Ɛkye laleɛ pee a, né wɔ dwudwolɛ mbaen mbaen asone pee, nakoso suro Nyameɛ.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 7:15

M’asetena mbaen ye anu, manwu nikyee biala: Teneneeniɛ bɔ owu wɔ ye tenenee nu, yeɛ bɔnefoɛ koso bɔ onya ngoa tendenn wɔ ye bɔne nu ɔ.

Nworɛ Dwirɛhanɛniɛ 7:18

Ɔte paa kyɛ ɛkɔsɔ foɛtulɛ bɔ oli moa ne anu, bɔ ɛngɔyakyi bɔ ɔtɔ so nyɔ ne koso anu ɔ. Ofikyɛ sona bɔ osuro Nyameɛ ne, ɔkɔhwe ye nwo kofi ye mukoraa nwo.

Nworɛ Dwirɛhanɛniɛ 8:8

Sona biala nne berɛ bɔ ole nwomeɛ so tumi, bɔ ɔkora si nwomeɛ ate maa ɔtena ye nu ɔ, anaa ole ye wue kyẽa so tumi ɔ? Ɛsrɛ atee wɔ koɛ nu a, engonya ye, yeɛ amumuyɛɛyɔlɛ mbepɛ nne bɛ bɔ bɛyɔ amumuyɛɛ ɔ.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 30:13

musue he kɔwa ɛmɔ so, kyɛ, terɛ tendenn bɔ wapakye, bɔ wabukye hanwuu bɔ ɔpena bu ɔ, bɔ ye bugualɛ ne, ɔba mvum nu, ɔne berɛ ne ala ɔ.

Yesaya 57:21

Bɔnefoɛ ye so anu ngodwo ye, me Nyameɛ noa dwirɛ ɛne.”

Yesaya 65:20

Adɔma bɔ bɛwo ye a ɔngyɛ né wawu ne, ebie ngosi ko wɔ kuro ne anu, yeɛ aworowaa bɔ wanyie ye afoɛ mukoraa di ne koso, sɔ ala; ofikyɛ bɔ okoli afoɛ ɛyaa koraka né wawu ne, bekobu ye akwadaa, yeɛ bɔnefoɛ bɔ okoli afoɛ ɛyaa koraka né wawu ne, bekobu ye kyɛ banoma ye.

Yeremia 44:10

Bammrɛ bɛ nwo ase maa waadwu ɛnɛ ye, banzuro me, yeɛ banni me mmeraa ne m’ahyɛdeɛ bɔ mva mane ɛmɔ ne ɛmɔ nana mɔ ne aso.

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.

Yohane 5:29

na bekofite bɛkɔwa, na bɛ bɔ bayɔ bɔ ɔte paa ne, bɛkɔhɔ ngoa ewutingyelɛ nu; nakoso bɛ bɔ bayɔ bɔne ne de, bɛkɔhɔ ndɛenbualɛ ewutingyelɛ nu.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.