Nworɛ Dwirɛhanɛniɛ 8:11 - AHYERƐLƐ KRONGRON

¹¹ Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

Nworɛ Dwirɛhanɛniɛ 8:11 Iomraidhean Croise

2 Samuel 11:15

Krataa ne anu dwirɛ ɛhe: “Nekaa bɔ koɛ ne noa yɛ se paa ne, ma Yuria oogyina ye noa. Afei ɛ́mɔyakyi ye ngome nu ma bepura ye behũ ye.”

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 10:6

Ɔka ye wɔ ye ti anu kyɛ, “Mengofi ase”; aworɛ ndoatoasoɛ amukoraa nu, mengoyia amaneɛ biala.”

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Ɛksadɔso 34:6

AWURADE pɛle nu wɔ Mose nyunu, na AWURADE teane nu hane kyɛ, “AWURADE, AWURADE, Nyameɛ bɔ ɔse anwumvoin ná ɔdo mmenia ɔ, bɔ ye ahone nhu ndɛ, bɔ ye ɔdɔ bɔ onni ngasi ne nahorɛlilɛ sone ɔ,

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:32

Nakoso Faro sá bubuli mmakaa tuale ye so sɔ mmerɛ ne, na wamma mmenia ne ate ma bangɔ.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yesaya 26:10

Sɛ enwu amumuyɛɛniɛ anwumvoin a, amumuyɛɛniɛ ne nzua kyɛ ɔkɔbɔ bra bɔ ɔtengyɛ ɔ; na aseɛ bɔ pɛpɛɛpɛyɛlɛ wɔ so ne, sɔ sona ne de, amumuyɛɛ yeɛ ɔyɔ ɔ, na onnwu kyɛbɔ AWURADE osi te piri ɔ.

Yesaya 57:11

Nwa yeɛ ye nwo yɛ suro bɔ esuro ye ɔ, bɔ yiti anga nahorɛ ɔ, bɔ yiti angaye me ɔ, bɔ yiti andwene me nwo ɔ? Aso nna konn yeɛ mayɛ fi tetetete ɔ, bɔ ɔnate sɔ ati enzuro me ɔ?

Yeremia 42:15

ye de ɛmɔ Yudafoɛ ngaa ne, afei ɛ́mɔtie AWURADE noa dwirɛ. Asafo AWURADE, Yisrael Nyameɛ nwa nyoo: Sɛ ɛmɔfa besie ɛmɔ nye so kyɛ ɛmɔkɔhɔ Misraim bɛkɔɔtena dɔ a,

Yeremia 48:11

“Moabo atena asomdwee nu fi ye ngwadaa nu, wayɛ kyɛ nzaa bɔ ye pue ne la ye bo ɔ; banhwie ye bamvi akotokyiwa ko anu bangua foforɛ nu, yeɛ bangye ye nnure bangɔ. Yiti ye fɛɛ ne tɛgyi ye nu, na ye fona ne, ɔssesane.