Nworɛ Dwirɛhanɛniɛ 7:7 - AHYERƐLƐ KRONGRON

⁷ Nahorɛ nu, nhyɛsoɛ ma nworɛfoɛ bɛbɔ laen, yeɛ fea-ase-ma koso ɔma sona bu ye nye gua nahorɛ so.

Nworɛ Dwirɛhanɛniɛ 7:7 Iomraidhean Croise

Ɛksadɔso 23:8

Nnede fea-ase-ma, ofikyɛ fea-ase-ma ma mbanyi bu bɛ nye gua ndɛen turoloo so, na ɔma mmenia bua bɛ bɔ bedi be ɔ ndɛengyea.

Anyandera 17:23

Bɔnefoɛ ɔfea ye nwo ode fea-ase-ma, kyɛ ogyina so obua ndɛengyea.

Anyandera 17:8

Fea-ase-ma ɔte kyɛ tafo wɔ sona bɔ ɔfa ma ne nye so, nekaa biala bɔ sɔ sona ne kowura ne, nningyein kɔ yé ma ye.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Nworɛ Dwirɛhanɛniɛ 8:9

Manwu ɛhemɔ amukoraa, na medwene nningyein amukoraa bɔ bɛyɔ ye wiase ne anwo: Mmerɛ bie wɔ berɛ a, sona fa ye tumi sisi obiɛngo maa ɔkakyi ye so amaneɛ.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Deuteronomi 28:65

Wɔ nwo ngɔtɔ wɔ le wɔ sɔ maen nemɔ aso, yeɛ engonya amandena wɔ berɛ. AWURADE kɔfa ahunundetelɛ kɔto wɔ so wɔ berɛ; wɔ nye kɔyɛ wusiwusi, na wɔ wora kɔbɔ.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”

1 Samuel 21:14

Na Akise sele ye somvoɛ nemɔ kyɛ, “Ɛmɔse kyɛ akoaa he abɔ laen. Nzu ati yeɛ ɛmɔafa ye babrɛ me ɔ?

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.