Nworɛ Dwirɛhanɛniɛ 7:5 - AHYERƐLƐ KRONGRON

⁵ Nworɛniɛ twi wɔ nyunu a, ɔte paa kyɛ ekotie tra kyɛ ekotie ngwaseafoɛ edweintolɛ ɔ.

Nworɛ Dwirɛhanɛniɛ 7:5 Iomraidhean Croise

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Anyandera 13:13

Sona bɔ ɔmva foɛtulɛ nyɛ huu ne, ɔtwetwe amaneɛ brɛ ye nwo, nakoso bɔ odi mmeraa dwirɛ so ne de, okonya akatuaa wɔ so.

Anyandera 13:18

Betu wɔ foɛ ná endie a, ehiaa ne animguaseɛ kã wɔ, nakoso sɛ ede wɔ nyunu hwilɛ to nu a, enya animnyam.

Anyandera 17:10

Sɛ etwi badwemma nyunu a, ɔkɔ ye nu tra kyɛ ekofi kwaseaa mbire ɛyaa ɔ.

Anyandera 25:12

Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Anyandera 27:6

Wɔ damvo twi wɔ nyunu a, nahorɛ wɔ nu, nakoso sɛ pɔfoɛ yɛ wɔ atuu po a, ɔte nnakannaka.

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Anyandera 9:8

Nnɛtwi ngorohoɛniɛ nyunu, ná wambɔ wɔ; sɛ etwi nworɛniɛ nyunu a, okohuro wɔ dwirɛ.

Nworɛ Dwirɛhanɛniɛ 12:11

Nworɛniɛ ye noa dwirɛ ɔte kyɛ nandwiehanɛniɛ ye pɔmaa noa buralɛ; yeɛ ye anyandera bɔ waboaboa ye noa ne koso, ɔte kyɛ mberɛgoo bɔ mmoaenneafoɛ komapɛ wafa wabɔ berɛ pindinn ɔ.

Nworɛ Dwirɛhanɛniɛ 7:4

Awuro bɔ bɛyɛ sɛen wɔ nu ne, berɛ yeɛ nworɛfoɛ b’adwene kɔ ɔ, nakoso ngwaseafoɛ de, b’adwene kɔ awuro bɔ bɛgye bɛ nye wɔ nu ɔ nu.

Nworɛ Dwirɛhanɛniɛ 9:17

Nworɛfoɛ bɛ noa dwirɛ bɔ mmenia tie ye konn ne, bede bɛto nu bɛtra ngwaseafoɛ hene ye ndeateamuɛ.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.