Nworɛ Dwirɛhanɛniɛ 7:26 - AHYERƐLƐ KRONGRON

²⁶ Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Nworɛ Dwirɛhanɛniɛ 7:26 Iomraidhean Croise

Gyenesise 19:35

Yiti sɔ kɔngɔen ne koso bɛmane bɛ se nzaa ma ɔnone; na kaaba ne dwɔsole ɔne ye bɛɛlale. Nakoso wannwu ɔwa ne nnaa nu ne ye dwɔsolɛ nu.

Gyenesise 39:9

Awuro wa de, ebiala nni mu ndra me, yeɛ ɔmva hwee mmɔ me aheɛ, sana wɔ ngome, ofikyɛ ɔye ole wɔ. Nzu ati yeɛ nyɔ sɔ amumuyɛɛ piri ye na nyɔ bɔne ndia Nyameɛ ɔ?”

Ɛksadɔso 10:7

Na Faro mbanyi mɔ sele ye kyɛ, “Kyinzu koraa yeɛ biaa he kosua yɛ ngaen maa ɔkɔɔpem ɔ? Ma mmienzua ne bɛhɔ bɛɛsɔne AWURADE bɛ Nyameɛ ne. Aso ennwu ye kyɛ Misraim abɔ ɔ?”

Anyandera 2:16

Nworɛ kole wɔ kofi brasua sanzaniɛ sa nu, kofi gyanderaniɛ bɔ ye noa dwirɛ te menemene ɔ sa nu.

Anyandera 22:14

Nyanzoen brasua noa dwirɛ te kumaa kuronn, bienzua bɔ AWURADE afɛ ye so yaa ne, ɔtɔ nu.

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Anyandera 6:24

bɔ ɔtwe wɔ fi musue brasua nwo, ofi adwaman brasua ye noa dwirɛ menemene nwo ɔ.

Anyandera 9:18

Nakoso bienzua ne, ɔnze kyɛ berɛ te ewue kuro ɔ, na mmienzua bɔ bɛkɔ ye nekaa ne, ɛborɔ bo dɔ yeɛ baagua ɔ.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 7:27

Tie, bɔ manwu ye hɔ ɛhe: Nworɛ Dwirɛhanɛniɛ ne, ye noa dwirɛ ɛne. Mvale edwirɛ ne ndotole ye nwo ngoko ngoko kyɛ ngonya ye nwo ndeaseɛ ɔ.