Nworɛ Dwirɛhanɛniɛ 7:25 - AHYERƐLƐ KRONGRON

²⁵ Mvale m’adwene nziele so kyɛ ngonwu nworɛ, ɔne kyɛ ngɔfeefee nu ngɔpena nworɛ ne nningyein bɛ bo telɛ ɔ, ɔne kyɛ ngonwu amumuyɛɛ kyɛ ɔte ngwaseasɛm, ná ngonwu ngwaseasɛm kyɛ ɔte ɛlaenbɔlɛ ɔ.

Nworɛ Dwirɛhanɛniɛ 7:25 Iomraidhean Croise

Gyenesise 34:7

Yakob mma mmienzua nemɔ tele bɔ wasi ne, befili eburo dɔ bɛwale. Ɔyɛle bɛ yea, na bɛfɛle yaa paa ofikyɛ Sɛkem ali ngwaseasɛm wɔ Yisrael; wayɔ bɔ bɛnyɔ ɔ, kyɛ ɔne Yakob awa brasua ala ɔ.

2 Samuel 13:12

Nakoso obuale ye kyɛ, “Daabi, nniɛma bienzua, nnɛyere me, ofikyɛ bɛnyɔ sɔ nikyee ne wɔ Yisrael maen nu; nnɛbɔ sɔ musue ne!

Anyandera 17:12

Ɔte paa kyɛ ɛne kwabrafo bɔ bahye ye mma ɔ bɛkɔbɔ numbunumbu tra kyɛ ɛne kwaseaa bɔ ye gyiminɛ awa ɔ kɔbɔ numbunumbu ɔ.

Anyandera 26:11

Kyɛbɔ kyea fe a osa kodi ne, sɔ ala yeɛ kwaseaa osa kɔyɔ ngwaseade ɔ.

Nworɛ Dwirɛhanɛniɛ 10:13

Ngwaseasɛm yeɛ ɔfa hyɛ ye dwirɛ bo ɔ, na ye dwirɛ n’ayieleɛ te gyimikekã.

Nworɛ Dwirɛhanɛniɛ 2:12

Yiti nhyɛle ye bo ndwenene nworɛ, ɛlaenbɔlɛ ne ngwaseasɛm nwo, ofikyɛ bɔ okoli me bia koli hene ne, nzikyɛ bieku yeɛ ɔkɔhora kɔyɔ ɔ? Sana bɔ bali moa bayɔ ne ala.

Nworɛ Dwirɛhanɛniɛ 2:15

Na afei nzele me nwo kyɛ, “Ayieleɛ bɔ okoyie kwaseaa ne, me koso ebie ala yeɛ okoyie me ɔ. Sɛ ɔte sɔ de a, né nzu ati yeɛ manwu nworɛ matra bɛ ɔ?” Na mmuale me nwo kyɛ, ɛhe koso te mbaen.

Nworɛ Dwirɛhanɛniɛ 2:20

Ye sɔ ati, adwuma worawora bɔ mafɛ me nwo mayɔ ye wɔ wiase ne, mbɛle me nwo nnuni me nwo wɔ ye nwo.

Nworɛ Dwirɛhanɛniɛ 7:27

Tie, bɔ manwu ye hɔ ɛhe: Nworɛ Dwirɛhanɛniɛ ne, ye noa dwirɛ ɛne. Mvale edwirɛ ne ndotole ye nwo ngoko ngoko kyɛ ngonya ye nwo ndeaseɛ ɔ.

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’