Nworɛ Dwirɛhanɛniɛ 7:20 - AHYERƐLƐ KRONGRON

²⁰ Nahorɛ nu, sona biala nne aseɛ ye aso bɔ ye de ɔtengyɛ, ɔyɔ paa ngome, bɔ ɔnyɔ bɔne ɔ.

Nworɛ Dwirɛhanɛniɛ 7:20 Iomraidhean Croise

Romanfoɛ 3:23

Ofikyɛ mmenia mukoraa bayɔ bɔne, na Nyameɛ animnyam abɔ bɛ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

1 Ahemvo 8:46

“Sɛ bɛyɔ bɔne betia wɔ (ofikyɛ sona biala nne berɛ bɔ ɔnyɔ bɔne ɔ), ná ɛfɛ bɛ so yaa ɛfa bɛ wura bɛ pɔfoɛ mɔ sa maa bɛkye bɛ nnure bɛkɔ pɔfoɛ nemɔ aseɛ so, kyɛ ɔwɔ dedeede, anaakyɛ opingye wa,

Anyandera 20:9

Nwa yeɛ ɔkɔhora kɔhã kyɛ, “Mate m’ahone nu sannwuu, me nwo ate afi me bɔne nwo” ɔ?

2 Aberɛso Dwirɛ 6:36

“Sɛ bɛyɔ bɔne betia wɔ (ofikyɛ sona biala nne berɛ bɔ ɔnyɔ bɔne ɔ), ná ɛfɛ bɛ so yaa ɛfa bɛ wura bɛ pɔfoɛ mɔ sa maa bɛkye bɛ nnure bɛkɔ aseɛ bie aso, kyɛ ɔwɔ dede, anaakyɛ opingye wa,

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Edwein 130:3

AWURADE, sɛ ɛsesẽ amumuyɛɛ a, ao Yɛ Mene, ahaa nwa yeɛ ɔkɔhora kogyina ɔ?

YOB NWOMAA NE 33:12

“Nakoso edwirɛ he anwo de, ɛndengyɛ. Na ngɔma wɔ mmuayɛɛ, kyɛ Nyameɛ te piri tra dasaniɛ biala.

Lewitikɔso 13:39

odi kyɛ ɔsɔfo ne ɔneanea ye nwo, ná sɛ ndotɔndotɔ bɔ wagua ye ne te fufue hoyaa a, ye de asee yeɛ wagua ye nwo ɔ; ye nwo te.

1 Samuel 20:34

Yonatan fɛle yaa hahii dwɔso fili poentolɛ ne abo. Yiti ɛsraen fili ne, ye kyẽa bɔ ɔtɔ so nyɔ ne, wanni hwee; ofikyɛ olili Dawide nwo aworabɔlɛ, yeɛ afei koso né ye baba agua ye nyunu ase.

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 14:3

Nakoso bɛ mukoraa bali makyebu, bɛ mukoraa adwene paa ɔnne bɛ ti anu; bɛ nu biala nne berɛ bɔ ɔyɔ bɔ ɔte paa ɔ, daabi, ko po nne berɛ.