Nworɛ Dwirɛhanɛniɛ 7:2 - AHYERƐLƐ KRONGRON

² Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Nworɛ Dwirɛhanɛniɛ 7:2 Iomraidhean Croise

Edwein 90:12

Yiti kyire yɛ maa yɛnwu kyɛbɔ yɛkosi yɛkɔha yɛ ngyẽa ɔ, amaa ɔnate so yafa nworɛ yabɔ yɛ bra.

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 2:16

Ofikyɛ nworɛfoɛ oo, ngwaseafoɛ oo, bɛ nwo ngayeɛ ngɔtena berɛ afebɔɔ. Ɔnate kyɛ mmerɛ bie baawa bɔ mmenia wora kofi bɛ mukoraa ɔ. Hmmm! Nworɛniɛ wu, kyɛbɔ kwaseaa koso wu ne ala.

Nworɛ Dwirɛhanɛniɛ 3:19

Ofikyɛ adasa mmaa ne ngaka b’ayieleɛ te ko. Nikyee komapɛ yeɛ ɔto bɛ ɔ. Kyɛbɔ sona owu ne, sɔ ala yeɛ kaka wu ɔ. Ngoa nwomeɛ wɔ bɛ mukoraa nu; yiti sona ndra kaka: ofikyɛ nikyee biala te mbaen.

Nworɛ Dwirɛhanɛniɛ 3:20

Nningyein mukoraa bɛkɔ neka horɛ, nningyein mukoraa befi nnɛterɛ nu, na nningyein mukoraa besa bɛkɔ nnɛterɛ nu.

Nworɛ Dwirɛhanɛniɛ 6:6

Sɛ sɔ sona ne di afoɛ apee nyɔ po, ná wannya anigye paa biala a, aso nna neka horɛ yeɛ bɛ mukoraa bɛkɔ ɔ?

Nworɛ Dwirɛhanɛniɛ 9:2

ofikyɛ ayieleɛ komapɛ ne ala yeɛ ɔla berɛ ma bɛ mukoraa ɔ: teneneeniɛ ne bɔnefoɛ, sona paa ne sona bɔ ɔtte mayee ɔ, sona bɔ ye nwo te ne bɔ ye nwo nde ɔ, bɔ ɔbɔ afɔleɛ ne bɔ ɔmmɔ afɔleɛ ɔ. Sona paa ne amumuyɛɛniɛ b’ayieleɛ te ko, yeɛ bɔ ɔta ndaen ne bɔ osuro ndaentalɛ koso b’ayieleɛ te ko.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Nworɛ Dwirɛhanɛniɛ 9:5

Ofikyɛ ateasefoɛ bɛse kyɛ bekowu, nakoso awufoɛ de, bɛnze huu; belle akatuaa biala ko, na bɛ nwo ngayeɛ atu amini.

Yesaya 47:7

Ɛhane kyɛ, ‘Ngoli hemmaa afebɔɔ,’ amaa ɔnate so andwene sɔ dwirɛ nemɔ anwo, yeɛ angaye b’ayieleɛ koso.

Yeremia 16:8

Nnɛkɔ awuro bɔ bɛto poen wɔ nu ɔ nu ɛne bɛ kɔtena ase bedidi bɛno.

Hagae 1:5

Yiti Asafo AWURADE nwa nyoo: Bɔ ɔ́toto ɛmɔ ye, ɛmɔ bɔbɔ deinn ɛ́mɔfa bɛhɔ adwenedwene nu!

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Numeri 23:10

Nwa yeɛ ɔkɔhora kɔha Yakob boso ama bɔ bɛ somaa te kyɛ mvuture ɔ, anaakyɛ ɔkɔhora kɔha Yisraelfoɛ nna nu ngyɛmuɛ ko ɔ? Ma me wue yɛ kyɛ mmenia bɔ bɛtengyɛ ɔ bɛ wue, ná m’ayieleɛ ɔyɛ kyɛ bɛ deɛ!”

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Deuteronomi 32:29

Sɛ bɛse nworɛ a, ahaa bɛkɔte ɛhe abo, ná banwu kyɛbɔ b’ayieleɛ kosi koyie bɛ ɔ!

Deuteronomi 32:46

osele bɛ kyɛ, “Edwirɛ bɔ ɛnɛ kyẽa ye meka mefa medi adanzeɛ metia ɛmɔ ye, odi kyɛ ɛmɔfa besie ɛmɔ ti anu. Ɛ́mɔfa bɛ́tete ɛmɔ mma, amaa ɔnate so bɛ wora bali mmeraa he anu dwirɛ amukoraa so nahorɛ nu.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,